Прамовы і інтэрв’ю

Алейнік: асноўныя намаганні МЗС накіраваны на абарону нацыянальнага суверэнітэту Беларусі

Фота з архiва

22 лютага, Мінск /Кар. БЕЛТА/. Асноўныя намаганні Міністэрства замежных спраў накіраваны на абарону нацыянальнага суверэнітэту. Аб гэтым заявіў кіраўнік МЗС Сяргей Алейнік на калегіі знешнепалітычнага ведамства, перадае карэспандэнт БЕЛТА.

"Сур'ёзную пагрозу нацыянальнай бяспецы Беларусі стварыла мілітарызацыя ўсходняга фланга НАТА. У Польшчу, Літву і Латвію перакідваюцца дадатковыя воінскія кантынгенты і тэхніка, не гаворачы ўжо пра будаўніцтва ўздоўж беларускай граніцы сцен. У гэтых умовах мы дакладна рэалізоўвалі пастаўленыя кіраўніком дзяржавы і ўрадам перад МЗС задачы - накіраваць асноўныя намаганні на абарону нацыянальнага суверэнітэту, адпаведным чынам пераарыентаваць знешнеэканамічную дзейнасць, сістэмна процідзейнічаць інфармацыйнаму, палітычнаму і эканамічнаму націску, мінімізаваць урон ад санкцый супраць Рэспублікі Беларусь", - сказаў міністр.

Пры гэтым, падкрэсліў Сяргей Алейнік, у МЗС зыходзілі з таго, што новыя рэаліі - гэта не толькі пляцоўка для барацьбы за выжыванне, але і акно магчымасцей, і час для пераасэнсавання прыярытэтаў, і імпульс да адкрыцця новых апорных кропак і ніш для ўзаемадзеяння на міжнароднай арэне.-0-

версія для друку

зрабіць стартавай

дабавіць у выбранае