Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

24 Лют 2015

Альберс: "Раўбічы" дастойна справіліся з правядзеннем юніёрскага чэмпіянату свету

Альберс:

24 лютага, Мінск /Кар. БЕЛТА/. Удзельнікі чэмпіянату свету па біятлоне сярод юнакоў і юніёраў, які завяршыўся сёння ў "Раўбічах", вельмі высока ацанілі ўзровень арганізацыі гэтага мерапрыемства. Аб гэтым карэспандэнту БЕЛТА паведаміў дырэктар спаборніцтваў, намеснік старшыні Беларускай федэрацыі біятлона (БФБ) Юрый Альберс.

"Прадстаўнікі Міжнароднай федэрацыі, госці запэўнілі мяне, што юніёрскі чэмпіянат свету прайшоў на вельмі высокім узроўні, але гэта неафіцыйная ацэнка, будзем чакаць афіцыйнай. У любым выпадку я ганаруся сваёй камандай. Мяркуйце самі, на этапах Кубка свету, якія мы так імкнёмся атрымаць, праходзяць у сярэднім 3-4 мужчынскія і жаночыя старты. У "Раўбічах" за тыдзень мы разыгралі 16 камплектаў узнагарод! Юнакі, дзяўчаты, юніёры і юніёркі. "Раўбічы" дастойна справіліся з правядзеннем юніёрскага чэмпіянату свету. Беларуская федэрацыя біятлона (БФБ) пасля рэканструкцыі спарткомплексу гатова да правядзення спаборніцтваў самага высокага рангу", - сказаў дырэктар спаборніцтваў юніёрскага чэмпіянату свету.

Намеснік старшыні БФБ закрануў і спаборніцкую частку чэмпіянату. "Паверце майму вопыту не толькі як спартыўнага функцыянера, але і трэнера, дасягненне беларускіх біятланістаў для нашай зборнай вельмі сур'ёзнае. Выйгралі два медалі, ды яшчэ і залатыя. Калі б перад пачаткам сусветнага форуму мне сказалі, што ў "Раўбічах" двойчы будзе гучаць беларускі гімн, не паверыў бы. Мяне радуюць і траплянні ў дзясятку нашых юных спартсменаў, гэта сведчыць аб перспектыўнасці нашага рэзерву і нядрэнным будучым айчыннага біятлона", - падкрэсліў Юрый Альберс.

На чэмпіянаце свету сярод юнакоў і юніёраў у "Раўбічах" разыграна 16 камплектаў узнагарод. У медальным заліку першынствавалі біятланісты з Расіі (5 залатых, 4 сярэбраныя і 3 бронзавыя ўзнагароды). Беларусь заняла пятае месца ў рэйтынгу сярод прадстаўнікоў адзінаццаці краін, якія ўзнімаліся на п'едэстал гонару.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі