У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

13 Врс 2016

Жывапісец Аляксандр Салаўёў адзначыў сваё 90-годдзе юбілейнай выставай у Віцебску

Жывапісец Аляксандр Салаўёў адзначыў сваё 90-годдзе юбілейнай выставай у Віцебску13 верасня, Віцебск /Кацярына Князева - БЕЛТА/. Вядомы жывапісец Аляксандр Салаўёў адзначыў сваё 90-годдзе юбілейнай выставай у Віцебскім мастацкім музеі, перадае карэспандэнт БЕЛТА.

"Адзін са старэйшых беларускіх мастакоў, авангардыст, жывапісец, афарміцель. Герой нашага часу", - так ахарактарызавала юбіляра дырэктар музея Вольга Акуневіч. І растлумачыла, што Аляксандр Салаўеў - герой на ўсіх франтах жыцця. З 17 гадоў ён змагаўся ў партызанскім атрадзе, затым на франтах, узнагароджаны ордэнам Чырвонага Сцяга. І для беларускай мастацкай школы ён таксама герой. Пошукі сябе і творчыя эксперыменты навучылі яго спалучаць рэалізм з абстрактным мастацтвам. Творчасць Аляксандра Салаўёва значна паўплывала на развіццё мастацкай культуры не толькі Віцебска, але і ўсёй Беларусі другой палавіны ХХ стагоддзя, зрабіўшы яго самым заслужаным дзеячам мастацтваў.

Жывапісец Аляксандр Салаўёў адзначыў сваё 90-годдзе юбілейнай выставай у ВіцебскуНа выставе сабрана больш за 100 работ. Гэта 63 краіны з калекцыі самога мастака і яшчэ 50 - з фондаў музея, аб'яднаных пад назвай "Прастора пачуццяў і сэнсаў". Уся экспазіцыя дазваляе ўбачыць шырыню таленту майстра ў дынаміцы: пачынаючы з 1970-х гадоў і да нашых дзён. Што цікава, выразнасць стылю і экспрэсіўныя кампазіцыйныя рытмы, здаецца, спадарожнічалі яго творчасці заўсёды. Паводле слоў сяброў-калег, якія прыйшлі павіншаваць Аляксандра Салаўёва, уся справа тут у тым, што гэта ўнікальны мастак, які заўсёды заставаўся верным сабе.

Жывапісец Аляксандр Салаўёў адзначыў сваё 90-годдзе юбілейнай выставай у Віцебску"Вельмі цяжка сказаць, хто я і навошта. Я спрабую гэта адкрыць, і ў гэтым сэнс майго жыцця. Гэта шлях да самога сябе, быццам катарга. Але ты павінен прайсці яго, павінен ведаць сваё стаўленне да жыцця, каб нешта сказаць людзям. Толькі тады можна стаць шчаслівым", - так у вуснай форме паспрабаваў растлумачыць сваю творчасць Аляксандр Салаўёў.

Жывапісец Аляксандр Салаўёў адзначыў сваё 90-годдзе юбілейнай выставай у ВіцебскуУ яго адрас гучала шмат добрых слоў і пажаданняў не толькі ад сяброў, але і ад кіраўніцтва вобласці і горада Віцебска. Вельмі душэўна павіншаваў юбіляра калектыў Нацыянальнага акадэмічнага драматычнага тэатра імя Якуба Коласа, дзе Аляксандр Салаўёў працаваў мастаком-пастаноўшчыкам з 1965-га па 1997 год. Ён аформіў звыш 130 спектакляў, якія з вялікім поспехам прайшлі ў многіх гарадах свету. Артысты ўспаміналі прыемныя і яркія моманты мінулага. Напрыклад, як аднойчы ў час гастролей тэатра ў Маскве пасля падняцця заслоны пачуўся шквал апладысментаў у адрас сцэнографа, чаго ў тады яшчэ савецкай сталіцы даўно не здаралася. Кіраўнік коласаўцаў Аляксандр Старых запрасіў Аляксандра Салаўёва 21 лістапада на юбілей тэатра, які ў гэтым годзе адзначае 90-годдзе

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс