Падзеі, факты, анонсы

Жаночая зборная Беларусі заняла другое месца ў эстафеце на этапе Кубка свету па біятлоне

5 сакавіка, Мінск /Кар. БЕЛТА/. Жаночая зборная Беларусі заняла другое месца ў эстафеце на восьмым этапе Кубка свету па біятлоне, які стартаваў 4 сакавіка ў Нове-Места-на-Мораве (Чэхія), паведамляе карэспандэнт БЕЛТА.

Ірына Крыўко, Дзінара Алімбекава, Ганна Сола і Алена Кручынкіна пераадолелі дыстанцыю гонкі 4х6 км з адставаннем ад пераможцаў на 1,2 сек (0 промахаў + 9 дадатковых патронаў). На першай пазіцыі завяршылі гонку спартсменкі з каманды Швецыі. Мона Брурсан, Анна Эберг, Лін Персан і Эльвіра Эберг прадэманстравалі падагульняючы час 1 гадз 03 мін 26,6 сек (0+6). Трэцяе месца занялі страляючыя лыжніцы з Францыі. Анаіс Бескон, Жусцін Брэза, Хлое Шэвалье і Жулі Сімон адсталі ад пераможцаў на 27,8 сек (1+8).

Сёння стануць вядомы пераможцы і прызёры ў мужчынскай эстафеце.

версія для друку

зрабіць стартавай

дабавіць у выбранае