Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

18 Кст 2016

Жабінка прыме адзін з канцэртаў міжнароднага фестывалю "Студзеньскія музычныя вечары"

18 кастрычніка, Брэст /Святлана Вячорка - БЕЛТА/. Жабінка прыме адзін з канцэртаў XXIX Міжнароднага фестывалю класічнай музыкі "Студзеньскія музычныя вечары", паведаміў 18 кастрычніка на прэс-канферэнцыі намеснік начальніка галоўнага ўпраўлення ідэалагічнай работы, культуры і па справах моладзі - начальнік упраўлення культуры Брэсцкага аблвыканкама Сяргей Панасюк, перадае карэспандэнт БЕЛТА.

"Мы пашыраем межы фестывалю. Упершыню гэта мерапрыемства будзе праходзіць і ў горадзе - спадарожніку Брэста Жабінцы. Фестывальны канцэрт з удзелам запрошаных артыстаў, лаўрэатаў міжнародных конкурсаў з Беларусі, Казахстана і Нідэрландаў у адзін з дзён музычнага форуму плануецца правесці ў гарадскім Доме культуры. Гэта пакуль яшчэ на ўзроўні перагавораў, але, спадзяюся, нам усё ўдасца арганізаваць", - адзначыў Сяргей Панасюк.

Галоўнай пляцоўкай "Студзеньскіх музычных вечароў", якія пройдуць з 9 па 12 студзеня, па традыцыі стане Брэсцкі акадэмічны тэатр драмы. Там пройдуць чатыры вялікія музычныя вечары. Акрамя таго, два дзённыя канцэрты з удзелам артыстаў з Польшчы, Беларусі, Францыі, Кітая і Карэі адбудуцца ў Брэсцкім музычным каледжы.

Усяго ў фестывалі запланаваны ўдзел каля 200 артыстаў з 11 краін, сярод якіх як вядомыя майстры класічнай сцэны, так і маладыя музыканты. У прыватнасці, у Брэсце чакаюць Прэзідэнцкі аркестр пад кіраўніцтвам Віктара Бабарыкіна, прыму Марыінскага тэатра, народную артыстку Расіі Вольгу Барадзіну (мецца-сапрана), "караля рамансаў" народнага артыста Расіі Алега Пагудзіна. Слухачам будуць прадстаўлены шэдэўры заходнееўрапейскай, рускай і беларускай музыкі. Многія творы на "Вечарах" прагучаць упершыню.

Завершыць праграму форуму традыцыйны Калядны баль. Дарэчы, у патэнцыяльных дам і кавалераў будзе магчымасць да яго грунтоўна падрыхтавацца. Размова ідзе не толькі аб абавязковым дрэс-кодзе для гэтага мерапрыемства. Як паведаміла дырэктар, мастацкі кіраўнік і галоўны рэжысёр "Вечароў" Лілія Батырава, цяпер ідуць перагаворы з дырэкцыяй харэаграфічнай школы мастацтваў імя Пагодзіна аб арганізацыі курсаў па навучанні брастаўчан бальным танцам.

Арганізатарамі міжнароднага фестывалю класічнай музыкі "Студзеньскія музычныя вечары" выступаюць Брэсцкія абласны і гарадскі выканаўчыя камітэты, ГА "Брэсцкае абласное музычнае таварыства" пры падтрымцы Міністэрства культуры.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс