Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

20 Сак 2017

Зборнік перакладаў вершаў Максіма Багдановіча на іспанскую мову плануецца выдаць у 2017 годзе

20 сакавіка, Мінск /Кар. БЕЛТА/. Зборнік перакладаў вершаў беларускага паэта Максіма Багдановіча на іспанскую мову плануецца выпусціць у 2017 годзе, паведамілі БЕЛТА ў пасольстве Беларусі ў Іспаніі.

Там жа расказалі, што 18 сакавіка ў кафэ Cosmico ў цэнтры Мадрыда (Іспанія) адбылася літаратурная вечарына, прысвечаная творчасці Максіма Багдановіча. У мерапрыемстве прынялі ўдзел прадстаўнікі беларускай дыяспары і іспанскай інтэлігенцыі, якіх цікавіць культура Беларусі.

Ідэю і сцэнарый вечарыны распрацавалі Вера Кухарава і Ларыса Малышава - беларускі, якія актыўна ўдзельнічаюць у арганізацыі беларускіх культурных мерапрыемстваў у Іспаніі. Дапамогу ў правядзенні аказала пасольства Беларусі ў Іспаніі і музей Максіма Багдановіча (Мінск).

Галоўная ідэя мерапрыемства - звярнуць увагу беларусаў замежжа і іспанскіх грамадзян на творчасць паэта, багатую спадчыну аднаго са стваральнікаў нацыянальнай беларускай літаратуры.

На вечарыне гучалі вершы Максіма Багдановіча розных гадоў, тэксты яго пісем, успаміны сучаснікаў паэта на беларускай і рускай мовах, а таксама пераклады вершаў паэта на іспанскую мову паэтэсы Анхелы Эспіноса.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс