Падзеі, факты, анонсы

Зборная Беларусі займае 103-е месца ў новым рэйтынгу ФІФА

Фота з архiва

17 кастрычніка, Мінск /Кар. БЕЛТА/. Зборная Беларусі займае 103-е месца ў абноўленым сёння рэйтынгу Міжнароднай федэрацыі футбола (ФІФА), паведамляе карэспандэнт БЕЛТА.

Пасля двух паражэнняў у адборачным турніры чэмпіянату свету ад датчан (0:6) і шатландцаў (1:2) каманда Карласа Алоса страціла тры пазіцыі, цяпер у яе 1212,78 бала. Свой наступны паядынак у кваліфікацыйнай групе С сусветнага першынства беларускія футбалісты правядуць 15 лістапада з датчанамі, а 18 лістапада завершаць адборачны турнір сустрэчай з грэкамі.

Рэйтынг ФІФА ўзначальвае Іспанія, на другой пазіцыі Аргенціна, трэцяе месца ў Францыі.

Наступны рэйтынг ФІФА плануе абнародаваць 21 лістапада.

версія для друку

зрабіць стартавай

дабавіць у выбранае