Падзеі, факты, анонсы

Зборная Беларусі займае 100-е месца ў абноўленым рэйтынгу ФІФА

Фота з архiва

18 верасня, Мінск /Кар. БЕЛТА/. Зборная Беларусі займае сотае месца ў абноўленым сёння рэйтынгу Міжнароднай федэрацыі футбола (ФІФА), паведамляе карэспандэнт БЕЛТА.

Пасля двух паражэнняў на старце адборачнага турніру чэмпіянату свету ад грэкаў (1:5) і шатландцаў (0:2) каманда Карласа Алоса страціла тры пазіцыі, цяпер у яе 1223,54 бала. Свой наступны паядынак у кваліфікацыйнай групе С сусветнага першынства беларускія футбалісты правядуць 9 кастрычніка ў венгерскім горадзе Залаэгерсег з камандай Даніі, якая займае 20-е месца ў сусветным рэйтынгу, а 12 кастрычніка ў Глазга згуляюць з Шатландыяй (43-і нумар рэйтынгу ФІФА). Зборная Грэцыі знаходзіцца на 40-й пазіцыі.

Першая дзясятка рэйтынгу ФІФА:

1. Іспанія - 1875,37 бала.
2. Францыя - 1870,92.
3. Аргенціна - 1870,32.
4. Англія - 1820,44.
5. Партугалія - 1779,55.
6. Бразілія - 1761,60.
7. Нідэрланды - 1754,17.
8. Бельгія - 1739,54.
9. Харватыя - 1714,20.
10. Італія - 1710,06.

Наступны рэйтынг ФІФА плануе абнародаваць 23 кастрычніка.

Жаночая зборная Беларусі займае ў сусветным рэйтынгу 50-е месца. Узначальвае яго каманда Іспаніі, услед за якой размясціліся зборныя ЗША, Швецыі, Англіі і Германіі. Рэйтынг жаночых зборных будзе абноўлены 11 снежня.

версія для друку

зрабіць стартавай

дабавіць у выбранае