Падзеі, факты, анонсы

Забелін прызнаны лепшым іграком, Баркоўскі забіў самы прыгожы гол 22-га тура чэмпіянату Беларусі

Фота з архiва

24 верасня, Мінск /Кар. БЕЛТА/. Асацыяцыя "Беларуская федэрацыя футбола" падвяла вынікі 22-га тура нацыянальнага чэмпіянату, паведамляе карэспандэнт БЕЛТА.

Лепшым іграком мінулага ўік-энду прызнаны 22-гадовы паўабаронца ФК "Мінск" Кірыл Забелін. У гасцявым паядынку з адным з фаварытаў цяперашняга чэмпіянату жодзінскім "Тарпеда-БелАЗам" Забелін двойчы асісціраваў партнёрам пры ўзяцці варот гаспадароў, але ўтрымаць перамогу мінчанам не ўдалося - нічыя 2:2. Падапечныя Арцёма Чалядзінскага не прайграюць шэсць матчаў запар і сёння спрабуюць прадоўжыць удачную серыю ў сталічным дэрбі з дзеючым чэмпіёнам краіны мінскім "Дынама".

Аўтарам самага прыгожага гола мінулага тура стаў форвард брэсцкага "Дынама" Герман Баркоўскі. У канцы першага тайма дамашняга матчу з дзяржынскім "Арсеналам" ён абыграў пяцярых сапернікаў і завяршыў свой сольны праход эфектным ударам. Для Баркоўскага гэты мяч стаў восьмым у цяперашнім турніры, а брастаўчане выйгралі з лікам 2:1, здабыўшы шостую вікторыю ў сямі апошніх сустрэчах.

Становішча ў лідзіруючай групе цяпер такое: "Нёман" (Гродна) - 46 ачкоў (21 матч), "Тарпеда-БелАЗ" - 43 (21), "Дынама" (Мінск) - 41 (18), "Дынама" (Брэст) - 41 (22). Спіс лепшых бамбардзіраў узначальвае габонскі нападаючы "Гомеля" Родзі Джуніяр Эфаге, які забіў 14 мячоў.

версія для друку

зрабіць стартавай

дабавіць у выбранае