30 верасня, Мінск /Кар. БЕЛТА/. За суткі ў Беларусі зарэгістраваны 1989 пацыентаў з COVID-19, выпісаны 1390. Аб гэтым БЕЛТА паведамілі ў прэс-службе Міністэрства аховы здароўя.
Усяго з пачатку пандэміі ў Беларусі былі зарэгістраваны 538 086 чалавек са станоўчым тэстам на COVID-19. Выздаравелі 518 715 пацыентаў, у якіх раней быў пацверджаны дыягназ COVID-19.
За ўвесь перыяд распаўсюджвання інфекцыі на тэрыторыі краіны памерлі 4143 пацыенты з выяўленай каранавіруснай інфекцыяй.
За мінулыя суткі выканана 36 760 тэстаў. Усяго ў краіне праведзена 8 499 330 тэстаў.
Больш за 2 129 000 чалавек атрымалі першую дозу вакцыны супраць COVID-19, з іх больш як 1 610 000 чалавек прайшлі поўны курс вакцынацыі.