Падзеі, факты, анонсы

XV Мінскі міжнародны Калядны оперны форум адкрыюць 11 снежня

Фота з архiва

13 лістапада, Мінск /Кар. БЕЛТА/. XV Мінскі міжнародны Калядны оперны форум пачнецца ў Вялікім тэатры Беларусі 11 снежня, паведамілі БЕЛТА ва ўстанове культуры.

Вядучыя майстры опернага мастацтва пятнаццаты раз збяруцца на мінскай сцэне. У юбілейны год у праграме запланаваны прэм'ерныя спектаклі беларускага калектыву, грандыёзныя гала-канцэрты з удзелам зорак сусветнай оперы, знакавыя пастаноўкі тэатра ў цэлым, а таксама спектаклі вядучых оперных дамоў іншых краін, якія выклікалі рэзананс у публікі і крытыкаў.

Адкрые оперны форум 11 снежня "Арлеанская дзева", яе ж пакажуць 12 снежня. 11 снежня загалоўную партыю выканае лаўрэат міжнародных конкурсаў Дар'я Гаражанка, 12 снежня - заслужаная артыстка Беларусі Аксана Волкава. За дырыжорскім пультам у вечар адкрыцця гледачы ўбачаць народнага артыста Башкортастана Арцёма Макарава, другім спектаклем дырыжыруе малады маэстра Віталь Грышчанка.

19 снежня галоўныя партыі - Таццяны Ларынай і Яўгена Анегіна - у оперы П.І. Чайкоўскага выканаюць салісты Маскоўскага акадэмічнага музычнага тэатра імя К.С. Станіслаўскага і У.І. Неміровіча-Данчанкі, лаўрэаты міжнародных конкурсаў  Наталля Петражыцкая і Дзмітрый Зуеў.

Паказы гэтых спектакляў стануць прыгожым завяршальным акордам у "Год Чайкоўскага". Гэты творчы праект праводзіць Вялікі тэатр у гонар 185-гадовага юбілею генія рускай музыкі.

Пазней, 20 снежня, у Камернай зале Вялікага тэатра Беларусі адбудзецца прэм'ера оперы Георга Фрыдрыха Гендэля "Аціс і Галатэя", а 21 снежня на сцэне Вялікага тэатра Беларусі выступяць лаўрэаты Міжнароднага конкурсу вакалістаў імя М.І. Глінкі.

версія для друку

зрабіць стартавай

дабавіць у выбранае