У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

7 Врс 2015

XI Рэспубліканскі фестываль нацыянальных культур збярэ гасцей 3-4 ліпеня 2016 года

7 верасня, Мінск /Кар. БЕЛТА/. XI Рэспубліканскі фестываль нацыянальных культур збярэ гасцей 3-4 ліпеня будучага года. Аб гэтым сёння на прэс-канферэнцыі паведаміла галоўны спецыяліст упраўлення ўстаноў культуры і народнай творчасці Міністэрства культуры Беларусі Людміла Лебедзь, перадае карэспандэнт БЕЛТА.

Канцэрт-адкрыццё адбудзецца 12 верасня гэтага года на пляцоўцы ў Мінску, потым пройдуць рэгіянальныя адборачныя туры, якія прадоўжацца з верасня па снежань. Фінальныя мерапрыемствы ў Гродне пройдуць, як і канцэрт адкрыцця, у новым фармаце - на адкрытай пляцоўцы.

На думку прадстаўніка Міністэрства культуры, фестываль ужо зарэкамендаваў сябе як свята, на якім дэманструе сваё майстэрства усё большая колькасць прадстаўнікоў розных нацыянальнасцей, дзе працуе кампетэнтнае журы ў складзе вядомых дзеячаў культуры і мастацтва. У ім удзельнічаюць як калектывы, якія даўно заявілі пра сябе, так і маладыя, чый вопыт выступлення на вялікай сцэне пакуль абмежаваны. Стала ўжо традыцыяй адкрыццё нейкага аб'екта ў дні фестывалю нацыянальных культур. Так, напрыклад, у Гродне з'явіўся сквер Дружбы, у якім высаджаны дрэвы з радзімы розных нацыянальнасцей.

Як адзначыў дырэктар ДУ "Рэспубліканскі цэнтр нацыянальных культур" Міхаіл Рыбакоў, пасля канцэрта ўрачыстага адкрыцця ў Мінску, дзе выступяць такія калектывы, як ансамбль танца "Сонечная Грузія", украінскі вакальны ансамбль "Крыніца", ансамбль армянскага танца "Эрэбуні", карэйскі ансамбль "Арыранг" і іншыя, ужо на наступны дзень стартуюць рэгіянальныя адборачныя туры фестывалю. Першы адборачны тур пройдзе ў горадзе Мёры Віцебскай вобласці, потым у Маларыце Брэсцкай вобласці, Рагачове Гомельскай вобласці, у Лідзе Гродзенскай вобласці, Мінску, Маладзечне Мінскай вобласці і Бабруйску Магілёўскай вобласці. Стаць удзельнікам фестывалю нацыянальных культур могуць як калектывы, так і індывідуальныя прадстаўнікі нацыянальнасці, калі яны паспяхова пройдуць рэгіянальны адбор.

Рэспубліканскі фестываль нацыянальных культур становіцца ўсё больш маштабным і пашырае колькасць удзельнікаў. Калі ў першым фестывалі выступалі прадстаўнікі 11 нацыянальнасцей, то ў дзясятым - 36. Такога фестывалю няма ў іншых краінах. Ён дае магчымасць паказаць культуру і традыцыі свайго народа, дэманструе палітыку роўнасці ўсіх нацыянальнасцей, сказаў Міхаіл Рыбакоў.

Фестываль нацыянальных культур праходзіць у Беларусі кожныя два гады. Ён стартуе ў раёнах, праходзяць абласныя конкурсы, сталіцай жа фінальных мерапрыемстваў па традыцыі з'яўляецца Гродна. Форум збліжае і аб'ядноўвае ўсе нацыянальныя меншасці, якія пражываюць на тэрыторыі Беларусі, садзейнічае захаванню нацыянальнай самабытнасці і разам з тым узаемаразуменню і ўзаемнаму ўзбагачэнню культур.

Першы рэспубліканскі фестываль нацыянальных культур адбыўся ў Гродне ў 1996 годзе. Заснавальнікамі форуму з'яўляюцца Міністэрства культуры Беларусі, Апарат Упаўнаважанага па справах рэлігій і нацыянальнасцей, Рэспубліканскі цэнтр нацыянальных культур, Гродзенскі аблвыканкам і Гродзенскі гарвыканкам.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску