У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

28 Жнв 2017

Хелена Мерааі лічыць важным поўнасцю аддавацца любімай справе

28 жніўня, Мінск /Кар. БЕЛТА/. Прадстаўніца Беларусі на міжнародным дзіцячым конкурсе песні "Еўрабачанне-2017" Хелена Мерааі лічыць важным поўнасцю аддавацца любімай справе. Аб гэтым юная вакалістка заявіла ў час анлайн-канферэнцыі на сайце Белтэлерадыёкампаніі, паведамляе БЕЛТА.

Хелена займаецца музыкай даўно, удзяляючы любімай справе вельмі шмат часу. Пры гэтым яна сумяшчае выступленні на конкурсах і канцэртах з выдатнай вучобай у школе. "Часам бывае, вучу ўрокі да пяці раніцы, потым у сем у школу. Гэта складана, але, калі ёсць любімая справа, трэба аддаваць ёй усю сябе, але і школа - таксама важна", - адзначыла артыстка.

Хелена іграе на фартэпіяна, але плануе асвоіць яшчэ два музычныя інструменты, паколькі лічыць, што артыст павінен валодаць хаця б трыма. Гэта мае вялікае значэнне для развіцця музыкі. У бліжэйшы час дзяўчынка хоча навучыцца ігры на барабанах. "Калі я слухаю хард-рок, рок, шукаю ў гэтай музыцы барабаны", - расказала яна.

Гаворачы аб падрыхтоўцы да конкурсу, Хелена прызнаецца, што настроена вельмі рашуча, каб дасягнуць самага высокага рэзультату на дзіцячым "Еўрабачанні".

Міжнародны дзіцячы конкурс песні "Еўрабачанне-2017" пройдзе 26 лістапада ў Тбілісі (Грузія).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску