Падзеі, факты, анонсы

Хакейная каманда Прэзідэнта здабыла другую перамогу ў гульнях РХЛ

Фота НАК

30 лістапада, Мінск /Кар. БЕЛТА/. Хакейная каманда Прэзідэнта Беларусі атрымала другую перамогу ў новым сезоне Рэспубліканскай хакейнай лігі (РХЛ), паведамляе карэспандэнт БЕЛТА.

Сёння на пляцоўцы Лядовага палаца ў Жлобіне дружына кіраўніка дзяржавы абыграла каманду Гомельскай вобласці з вынікам 5:2 (4:0, 0:1, 1:1).

Сённяшняя сустрэча пачалася з атак гасцей і на 6-й мінуце Арцём Антоненка паразіў вароты гамяльчан. Яшчэ праз тры мінуты Андрэй Міхалёў закінуў другую шайбу, потым вызначыўся Павел Волчак, а затым Арцём Антоненка аформіў свой галявы дубль. Пасля перапынку гаспадары зайгралі больш актыўна і Руслан Андрэйчыкаў здолеў скараціць разрыў у ліку. У трэцім перыядзе каманды абмяняліся галамі. Спачатку сваю другую шайбу закінуў Павел Волчак, а потым Дзмітрый Герасімчук устанавіў канчатковы вынік сустрэчы - 5:2 на карысць гасцей.

Лепшымі ігракамі сённяшняга матчу прызнаны галкіперы Ігар Брыкун (каманда Прэзідэнта) і Уладзіслаў Тачылкін (Гомельская вобласць). У стартавым матчы новага сезона каманда кіраўніка дзяржавы перамагла сапернікаў з Гродзенскай вобласці з вынікам 10:3.

У фінальнай серыі мінулага аматарскага турніру лядовая дружына Прэзідэнта двойчы абыграла хакеістаў Мінскай вобласці - 5:2 і 10:8 і 15-ы раз стала пераможцай гэтых спаборніцтваў. Па адным тытуле ў каманд Гомельскай і Мінскай абласцей.

Арганізатары хакейнага аматарскага турніру - Прэзідэнцкі спартыўны клуб, Міністэрства спорту і турызму і Мінскі гарадскі выканаўчы камітэт.

версія для друку

зрабіць стартавай

дабавіць у выбранае