У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

4 Ліс 2015

Вызначыўся склад зборнай Беларусі па хакеі для ўдзелу ў міжнародным турніры ў Латвіі

4 лістапада, Мінск /Кар. БЕЛТА/. Галоўны трэнер зборнай Беларусі па хакеі Дэйв Льюіс вызначыўся з выязным складам каманды на міжнародны турнір у Ліепаі Euro Ice Hockey Challenge, паведамляе карэспандэнт БЕЛТА.

У выязным складзе 22 хакеісты. Трэнерскі штаб зборнай зрабіў стаўку ў маючых адбыцца гульнях на двух варатароў Аляксандра Барадулю з "Юнацтва" і Максіма Саманькова з "Нёмана". На думку Дэйва Льюіса, які на гэтым этапе падрыхтоўкі вырашыў абысціся без шэрага ключавых ігракоў зборнай, што выступаюць у расійскіх клубах і мінскім "Дынама", цяпер галоўнае паглядзець, як праявяць сябе маладыя хакеісты.

У Латвію ў складзе нацыянальнай каманды адправяцца наступныя ігракі: варатары - Аляксандр Барадуля ("Юнацтва"), Максім Саманькоў ("Нёман"); абаронцы - Андрэй Філічкін, Павел Казакевіч (абодва - "Дынама-Маладзечна"), Раман Дзюкаў, Крысціян Хенкель (абодва - "Юнацтва"), Дзмітрый Знахаранка, Мікіта Усціненка (абодва - "Дынама-Мінск"), Аляксандр Яронаў ("Гомель"), Ілья Казнадзей ("Нёман"); нападаючыя - Віктар Андрушчанка, Арцём Ляўша, Аляксандр Ляўко, Арцём Дзямкоў (усе - "Шахцёр"), Павел Баярчук ("Нёман"), Андрэй Сцяпанаў, Дзмітрый Амбражэйчык, Мікіта Камароў, Станіслаў Лапачук (усе - "Дынама-Мінск"), Павел Развадоўскі, Арцём Волкаў (абодва - "Юнацтва"), Павел Мусіенка ("Гомель").

Расклад турніру Euro Ice Hockey Challenge

5 лістапада

Беларусь - Італія (16.00)

Латвія - Японія (20.30)

6 лістапада

Італія - Японія (16.00)

Латвія - Беларусь (20.30)

7 лістапада

Японія - Беларусь (14.00)

Латвія - Італія (18.00)

Тэлеканал "Беларусь 5" пакажа адзін матч гэтага турніру. 6 лістапада сустрэчу Латвія - Беларусь можна будзе ўбачыць у прамым эфіры.

Гульні на міжнародным турніры ў Латвіі стануць першым этапам падрыхтоўкі нацыянальнай зборнай да 80-га чэмпіянату свету па хакеі, які пройдзе з 6 па 22 мая 2016 года ў Маскве і Санкт-Пецярбургу.

Зборная Беларусі на папярэдняй стадыі згуляе ў Санкт-Пецярбургу ў групе В з Фінляндыяй, ЗША, Канадай, Славакіяй, Германіяй, Венгрыяй і Францыяй.

Першы матч на сусветным форуме падапечныя Дэйва Льюіса правядуць 6 мая 2016 года ў палацы спорту "Юбілейны" з камандай Фінляндыі.

Наступны збор пры падрыхтоўцы да сусветнага форуму нацыянальная зборная Беларусі пачне ў сярэдзіне снежня, які завершыцца турнірам у Швейцарыі "Arosa Сhallenge Cup" з 18 па 19 снежня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс