Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

21 Крс 2021

Выставачны праект "Пакінутая зямля" да 35-годдзя аварыі на Чарнобыльскай АЭС адкрыецца ў Мінску

Выставачны праект
Фота з архiва

21 красавіка, Мінск /Кар. БЕЛТА/. Выставачны праект "Пакінутая зямля", прымеркаваны да 35-годдзя аварыі на Чарнобыльскай атамнай электрастанцыі, адкрыецца 26 красавіка ў Нацыянальным гістарычным музеі. Аб гэтым БЕЛТА паведамілі ва ўстанове культуры.

У 01.23.47 26 красавіка 1986 года на чацвёртым энергаблоку Чарнобыльскай АЭС за 12 км ад паўднёвай граніцы Беларусі адбылася аварыя, якая цалкам разбурыла рэактар і стала буйнейшай у гісторыі ядзернай энергетыкі. "Пра аварыю, яе наступствы для Беларусі, іх ліквідацыю і дзейнасць па аднаўленні тэрыторыі, пра лёсы людзей, чыё жыццё аказалася звязана з чарнобыльскай тэмай, на выставе "Пакінутая зямля" раскажуць шматлікія фатаграфіі і архіўныя матэрыялы", - расказалі арганізатары.

Знаходкі этнаграфічных экспедыцый Інстытута мастацтвазнаўства, этнаграфіі і фальклору Акадэміі навук 1990-х гадоў з рэгіёнаў, пацярпелых ад аварыі, прадэманструюць побыт і культуру не існуючых цяпер вёсак.

На выставе можна ўбачыць фатаграфіі флоры і фаўны Палескага дзяржаўнага радыяцыйна-экалагічнага запаведніка, які з'яўляецца месцам пражывання рэдкіх і знікаючых відаў.

"Таксама на выставе будуць прадстаўлены работы мастакоў Георгія Паплаўскага, Віктара Шматава і Сяргея Давідовіча-Зосіна", - адзначылі ў музеі.

Праект падрыхтаваны сумесна з Беларускім тэлеграфным агенцтвам, Музеем старажытнабеларускай культуры Цэнтра даследаванняў беларускай культуры, мовы і літаратуры НАН Беларусі, Музеем пажарнай і аварыйна-выратавальнай справы МНС, Нацыянальным архівам Беларусі, Палескім дзяржаўным радыяцыйна-экалагічным запаведнікам.

Наведаць выставу можна па 23 мая.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі