У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

11 Сак 2020

Выстаўка "Шляхі нямецкага мастацтва" адкрыла Тыдні Германіі ў Беларусі

Выстаўка

11 сакавіка, Мінск /Аліна Грышкевіч - БЕЛТА/. Экспазіцыя "Шляхі нямецкага мастацтва", якая дэманструецца ў сталічным Палацы мастацтваў, адкрыла Тыдні Германіі ў Беларусі, паведамляе карэспандэнт БЕЛТА.

Выстаўка дае ўнікальную магчымасць пазнаёміцца з разнастайнасцю пасляваеннага мастацтва Усходняй і Заходняй Германіі пачынаючы з 1949 года. Экспазіцыя ўключае амаль 400 работ больш як 100 аўтараў. У іх ліку творы сусветна вядомых майстроў Ёзэфа Бойса і Зігмара Польке. Жывапіс, графіка, фатаграфія, відэа, скульптура і інсталяцыі - усяго прадстаўлена 60 відаў сучаснага мастацтва.

Паводле слоў дырэктара Інстытута імя Гётэ ў Мінску Якаба Рачака, экспазіцыя будзе цікава як прафесіяналам, так і проста аматарам мастацтва.

Выстаўка арганізавана Інстытутам імя Гётэ ў Мінску, Інстытутам сувязей з замежнымі краінамі і Палацам мастацтва.

У цэлым у праграме Тыдняў Германіі запланавана вялікая колькасць разнапланавых мерапрыемстваў не толькі для жыхароў сталіцы, але і іншых гарадоў Беларусі.

Прадоўжацца тыдні Германіі па 30 красавіка. Яны традыцыйна праводзяцца пасольствам ФРГ сумесна з Інстытутам імя Гётэ ў Мінску, прадстаўнікамі нямецкіх культурных арганізацый у супрацоўніцтве з беларускімі ўстановамі і партнёрамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі