Падзеі, факты, анонсы

Вікторыя Азаранка выйшла ў паўфінал тэніснага турніру ў Нью-Ёрку

27 жніўня, Мінск /Кар. БЕЛТА/. Беларуская тэнісістка Вікторыя Азаранка (59-ы нумар сусветнага рэйтынгу) выйшла ў паўфінал адзіночнага разраду турніру Western & Southern Open у Нью-Ёрку з агульным прызавым фондам больш як $7,1 млн, паведамляе карэспандэнт БЕЛТА.

У матчы чвэрцьфінальнай стадыі экс-першая ракетка планеты сустракалася з прадстаўніцай Туніса Унс Джабір (39) і атрымала перамогу ў двух сэтах - 7:6 (11:9), 6:2. Сустрэча прадаўжалася 1 гадзіну 45 мінут.

Да гэтага Вікторыя Азаранка перамагла дзвюх французскіх тэнісістак - Алізэ Карнэ (60) - 6:4, 7:5 і Каралін Гарсію (49) - 6:2, 7:6 (10:8), а таксама харватку Дону Векіч (24) - 6:2, 6:3.

У 1/8 фіналу парнага разраду Вікторыя Азаранка і прадстаўніца ЗША Сафія Кенін прайгралі расійскаму дуэту Ганна Блінкова / Вераніка Кудзярметава - 1:6, 6:4, 8:10.

Яшчэ адна беларуска Арына Сабаленка (11) у 1/8 фіналу адзіночнага разраду ўступіла ў трохсэтавым паядынку амерыканскай тэнісістцы Джэсіцы Пегула (83) - 2:6, 6:2, 3:6. У парным разрадзе Арына Сабаленка і бельгійка Элізэ Мертэнс сышлі з турнірнай дыстанцыі пасля чвэрцьфіналу.

версія для друку

зрабіць стартавай

дабавіць у выбранае