Падзеі, факты, анонсы

Вікторыя Азаранка паднялася на тры пазіцыі, Арына Сабаленка па-ранейшаму 2-я ў рэйтынгу WTA

20 лютага, Мінск /Кар. БЕЛТА/. Беларуска Вікторыя Азаранка паднялася на тры пазіцыі ў новым рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

Тыдзень таму экс-першая ракетка планеты была 17-й, а цяпер перамясцілася на 14-е месца, у актыве Вікторыі Азаранка 2192 ачкі. Лепшая беларуская тэнісістка Арына Сабаленка засталася на другім радку, маючы 6100 ачкоў. Аляксандра Сасновіч знаходзіцца на 43-м месцы (1204). На гэтым тыдні беларускі прымуць удзел у буйным турніры катэгорыі WTA-1000 у Дубаі.

Топ-10 рэйтынгу WTA:

1. Іга Свёнтак (Польшча) - 10 485 ачкоў;
2. Арына Сабаленка (Беларусь) - 6100;
3. Джэсіка Пегула (ЗША) - 5250;
4. Унс Джабір (Туніс) - 5111;
5. Каралін Гарсія (Францыя) - 4835;
6. Кока Гаўф (ЗША) - 4091;
7. Марыя Сакары (Грэцыя) - 3800;
8. Дар'я Касаткіна (Расія) - 3425;
9. Белінда Бенчыч (Швейцарыя) - 3315;
10. Алена Рыбакіна (Казахстан) - 2860.

У рэйтынгу Асацыяцыі тэнісістаў-прафесіяналаў (АТР) лідзіруе серб Новак Джокавіч. У першую дзясятку вярнуўся расіянін Данііл Мядзведзеў, які выйграў турнір у Ротэрдаме. Лепшы з беларускіх тэнісістаў Ілья Івашка знаходзіцца на 79-й пазіцыі, маючы 651 ачко. Сёння ён стартуе на турніры АТР-250 у катарскай Досе.

Першая дзясятка рэйтынгу АТР:

1. Новак Джокавіч (Сербія) - 7070 ачкоў;
2. Карлас Алькарас (Іспанія) - 6480;
3. Стэфанас Цыцыпас (Грэцыя) - 5940;
4. Каспер Рууд (Нарвегія) - 5515;
5. Андрэй Рублёў (Расія) - 3860;
6. Рафаэль Надаль (Іспанія) - 3815;
7. Тэйлар Фрыц (ЗША) - 3660;
8. Данііл Мядзведзеў (Расія) - 3250;
9. Фелікс Ажэ-Альясім (Канада) - 3200;
10. Хольгер Рунэ (Данія) - 3161.

версія для друку

зрабіць стартавай

дабавіць у выбранае