Афіцыйны сайт Рэспублікі Беларусь
Адзіны дзень галасавання ў Беларусі   25 лютага  2024
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

14 Крс 2023

Вялікі здзяйсняе мары. Стаць часткай трупы беларускага балета на гадзіну можа любы жадаючы

Вялікі здзяйсняе мары. Стаць часткай трупы беларускага балета на гадзіну можа любы жадаючы
Фота Вялікага тэатра Беларусі

14 красавіка, Мінск /Кар. БЕЛТА/. Любы жадаючы можа здзейсніць сваю мару і на адну гадзіну стаць часткай трупы беларускага балета, паведамілі БЕЛТА ў Вялікім тэатры Беларусі.

Гэта прапанова стане працягам лютаўскай акцыі Вялікага тэатра Беларусі. Тады гледачы, якія беззапаветна ўлюбёны ў оперу, змаглі прыняць удзел у спектаклі. Пяць пераможцаў выйшлі на сцэну ў оперы Дж.Пучыні "Багема" ў вобразах мастакоў, якія спрабуюць прадаць свае карціны.

На гэты раз удзел у акцыі прапануюць тым, хто любіць балет. 29 красавіка 10 шчасліўчыкаў змогуць стаць часткай трупы беларускага балета і разам з вядучымі салістамі паспрабаваць свае сілы на ўроку класікі.

Каб трапіць у лік шчасліўчыкаў, трэба прадоўжыць фразу: "Балет для мяне - гэта...". Будуць адабраны аўтары самых цікавых, магчыма, нестандартных, але самае галоўнае - шчырых слоў.

Словы аб адным з самых цудоўных відаў мастацтва да 26 красавіка трэба адправіць на электронны адрас parter@bolshoibelarus.by з паметкай "Вялікі здзяйсняе мары. Крок 2-і". Другі варыянт - падзяліцца сваімі выказваннямі аб класічным танцы ў любой з сацыяльных сетак, не забываючы адзначаць Вялікі тэатр Беларусі і ставіць хэштэг #bolshoibelarus90.

Імёны 10 шчасліўчыкаў аб'явяць 26 красавіка. Менавіта яны ў Міжнародны дзень танца 29 красавіка змогуць пазаймацца ўрокам класікі пад кіраўніцтвам вядучых салістаў балета і разам з імі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі