У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

26 Жнв 2015

Вялікі тэатр оперы і балета Беларусі адкрые сезон 8 верасня прэм'ернай операй "Царская нявеста"

26 жніўня, Мінск /Кар. БЕЛТА/. Нацыянальны акадэмічны Вялікі тэатр оперы і балета Беларусі адкрые 83-і сезон прэм'ернай операй "Царская нявеста" Мікалая Рымскага-Корсакава 8 верасня. Аб гэтым БЕЛТА паведамілі ў тэатры.

Опера "Царская нявеста", якая створана на мяжы стагоддзяў (прэм'ера адбылася ў 1898) і вызначаецца глыбінёй раскрываемых тэм, праўдай пачуццяў, яркім і выпуклым паказам сапраўдных рускіх характараў, а галоўнае - неверагодным багаццем сольных і ансамблевых шлягераў, стала адным з прызнаных шэдэўраў рускай музыкі. Гэта спектакль-роздум аб асаблівасцях узаемаадносін чалавека і ўлады, аб пастаянным адчуванні яе прысутнасці, аб тых, хто ёй валодае, і тых, хто яе пазбаўлены.

"Царская нявеста" мае асаблівае значэнне і для беларускага Вялікага тэатра оперы і балета. Яна была ў ліку тых пастановак пачатку 30-х гадоў ХХ стагоддзя, з якіх, разам з "Кармэн", "Анегіным", "Севільскім цырульнікам" і інш., пачыналася гісторыя тэатра. Спектакль-легенда 1950 года, перажыўшы знакамітую "Аіду", пражыў на сцэне амаль 60 гадоў. Новую пастаноўку, ужо чацвёртую ў летапісе Вялікага тэатра оперы і балета, стварылі дырыжор Мікалай Калядка, рэжысёр Міхаіл Панджавідзэ, хормайстар Ніна Ламановіч, мастакі Аляксандр Касцючэнка (сцэнаграфія) і Ніна Гурло (касцюмы).

Вядучыя партыі ў оперы "Царская нявеста" выканаюць: заслужаны артыст Рэспублікі Беларусь Станіслаў Трыфанаў (Гразной), лаўрэаты міжнародных конкурсаў Таццяна Гаўрылава (Марфа), Кацярына Галаўлёва (Любаша), Андрэй Валенцій (Сабакін), заслужаны артыст Рэспублікі Беларусь Алег Мельнікаў (Малюта), лаўрэаты міжнародных конкурсаў Віктар Мендзелеў (Лыкаў), Аляксандр Жукаў (Бамелій), Алена Сало (Дуняша) і іншыя. Дырыжор - заслужаны дзеяч мастацтваў Рэспублікі Беларусь Мікалай Калядка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс