Падзеі, факты, анонсы

Вечар нацыянальнай культуры пройдзе ў Вялікім тэатры Беларусі 13 лютага

Фота bolshoibelarus.by

12 лютага, Мінск /Кар. БЕЛТА/. Вечар беларускай культуры пройдзе ў Вялікім тэатры Беларусі 13 лютага, паведамілі БЕЛТА ва ўстанове культуры.

Перад паказам нацыянальнай оперы "Сівая легенда" гледачы змогуць стаць удзельнікамі інтэрактыву. Іх таксама чакае выстаўка традыцыйнага беларускага касцюма і майстар-класы па завязванні наміткі і слуцкіх паясоў.

Выстаўка з фондаў Музея старажытнабеларускай культуры Навукова-даследчага цэнтра беларускай культуры, мовы і літаратуры НАН Беларусі дасць магчымасць знайсці нямала агульнага з падзеямі канца XVII стагоддзя, якія апісаны ў оперы. У экспазіцыі будуць прадстаўлены традыцыйныя беларускія жаночыя касцюмы, якія маюць свае асаблівасці і ўнікальныя элементы ў розных рэгіёнах Беларусі, але пры гэтым расказваюць аб агульнай культурнай спадчыне і традыцыях беларускага народа.

Гледачоў чакаюць у тэатры ў 18.15.

версія для друку

зрабіць стартавай

дабавіць у выбранае