Падзеі, факты, анонсы

Васіліса Марзалюк выйграла бронзу асабістага КС па жаночай барацьбе

17 снежня, Мінск /Кар. БЕЛТА/. Беларуска Васіліса Марзалюк (76 кг) выйграла бронзу на асабістым Кубку свету па жаночай барацьбе ў Бялградзе, паведамляе карэспандэнт БЕЛТА.

Перамогшы ў суцяшальным паядынку францужанку Паўлін Дэніз Лекарпенцье, беларуска сышлася ў схватцы за бронзу з алімпійскай чэмпіёнкай Рыа-2016 з Канады Эрыкай-Элізабэт Уібэ, у якой выйграла з лікам 3:1.

Пятае месца заняла на Кубку свету яшчэ адна беларуска Ганна Садчанка. На жаль, яна не справілася ў паядынку за бронзу з украінскай спартсменкай Алінай Беражной-Стаднік-Махіняй, якая дабілася датэрміновай вікторыі.

Сёння, 17 снежня, на Кубку свету стартавалі спаборніцтвы прадстаўнікоў вольнай барацьбы. Па выніках першага дня спаборніцтваў тры прадстаўнікі Беларусі - Азамат Нурыкаў (74 кг), Аркадзь Пагасян (86 кг) і Дзяніс Храмянкоў (125 кг) - паспрачаюцца за бронзавыя медалі турніру. Не страціў шанц на тое, каб трапіць у лік прызёраў спаборніцтваў і Уладзіслаў Андрэеў (57 кг), якога чакаюць суцяшальныя паядынкі.

Раней на асабістым Кубку свету, які праводзіцца замест чэмпіянату свету, залатыя медалі заваявалі "грэка-рымлянін" Кірыл Маскевіч і прадстаўніца жаночай барацьбы Ірына Курачкіна. Бронзавыя медалі ў беларускай дружыне выйгралі Максім Кажарскі, Саслан Даураў і Радзік Куліеў у турніры па грэка-рымскай барацьбе, а таксама Заліна Сідакова ў стартах жанчын.vv

версія для друку

зрабіць стартавай

дабавіць у выбранае