Падзеі, факты, анонсы
Васіль Кірыенка заняў другое месца на чэмпіянаце свету па веласпорце на шашы
12 кастрычніка, Мінск /Кар. БЕЛТА/. Вядучы беларускі велагоншчык Васіль Кірыенка заняў другое месца ў індывідуальнай гонцы з раздзельным стартам на чэмпіянаце свету па веласпорце на шашы, паведамляе карэспандэнт БЕЛТА.
У г.Доха беларус пераадолеў дыстанцыю 40 км за 45 мін. 28,04 сек. Васіль Кірыенка адстаў на 45,95 сек. ад пераможца Тоні Марціна з Германіі - 44 мін. 42,99 сек. Бронзавая ўзнагарода дасталася Джонатану Нікаласу Кастраўеха з Іспаніі (+ 1 мін. 10,91 сек.).
Сёння на старт у Досе выйшлі яшчэ два беларускія атлеты. Канстанцін Сіўцоў заняў 32-е месца (+ 3 мін. 25,59 сек.), Браніслаў Самойлаў завяршыў выступленне на 45-м месцы (+ 5 мін. 08,39 сек).
Васіль Кірыенка на год раней на чэмпіянаце свету ў амерыканскім Рычмандзе заваяваў залаты медаль у індывідуальнай гонцы з раздзельным стартам і з'яўляецца адным з лідараў сусветнага веласпорту ў гэтай дысцыпліне. Аднак выступіць удала на Алімпійскіх гульнях у Рыа беларус не змог.
Раней на сусветным форуме ў Досе адбылася гонка ў жанчын. Беларуска Алёна Амялюсік фінішавала на дзясятым месцы. Завершыцца чэмпіянат свету па веласпорце на шашы ў сталіцы Катара 16 кастрычніка.
версія для друку
зрабіць стартавай
дабавіць у выбранае