У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

2 Жнв 2018

Універсітэт Каро гатовы арганізаваць для беларускіх студэнтаў практыку ў кампаніях Samsung і LG

2 жніўня, Мінск /Кар. БЕЛТА/. Універсітэт Каро (Рэспубліка Карэя) гатовы арганізаваць для беларускіх студэнтаў практыку ў кампаніях Samsung і LG, паведамілі БЕЛТА ў прэс-службе БДУ па выніках сустрэчы кіраўніцтва дзвюх ВНУ.

БДУ наведала дэлегацыя Універсітэта Каро на чале з рэктарам Джэеха Еом. На сустрэчы з кіраўніцтвам БДУ абмяркоўваліся перспектывы міжвузаўскага ўзаемадзеяння, а таксама актывізацыі супрацоўніцтва па падпісаным у 2011 годзе пагадненні паміж універсітэтамі. "Асаблівая ўвага на сустрэчы ўдзелена праграмам акадэмічнай мабільнасці ў сферах ІТ, медыцыны, біялогіі, хіміі і адміністравання. У прыватнасці, прадстаўнікі карэйскага ўніверсітэта выказалі гатоўнасць прыняць выкладчыкаў БДУ для прачытання курса лекцый на англійскай мове ў гэтых галінах. Рэктар Універсітэта Каро падкрэсліў зацікаўленасць у абмене студэнтамі і арганізацыі практыкі для беларусаў у буйных кампаніях, такіх як Samsung, LG і SK Communications", - праінфармавалі ў прэс-службе ВНУ.

Рэктар БДУ Андрэй Кароль, абмяркоўваючы перспектывы партнёрства, падтрымаў ініцыятыву карэйскага калегі па стварэнні ўмоў для абмену выкладчыкамі і студэнтамі для атрымання імі замежнага вопыту. У бліжэйшы час ВНУ падрыхтуюць дэталёвую інфармацыю па канкрэтных напрамках узаемавыгаднага супрацоўніцтва ў сферы навукі і адукацыі.

Універсітэт Каро заснаваны ў 1905 годзе. Ён уваходзіць у чацвёрку лепшых ВНУ Рэспублікі Карэя (з 192 ацэненых). У яго структуры 16 каледжаў і 20 факультэтаў, 115 даследчых устаноў. У ВНУ больш за 47 тыс. студэнтаў. Універсітэт Каро займае высокія пазіцыі ў свеце згодна са многімі рэйтынгавымі міжнароднымі агенцтвамі. У QS World University Rankings у яго 86-е месца, у Webometrics - 276-е, у Шанхайскім рэйтынгу - 188-я пазіцыя.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску