У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

9 Ліп 2018

У Віцебску пачынаюцца першыя мерапрыемствы "Славянскага базару"

9 ліпеня, Віцебск /Вольга Багачова - БЕЛТА/. У Віцебску сёння пачынаюцца першыя мерапрыемствы "Славянскага базару", паведамілі карэспандэнту БЕЛТА ў Дырэкцыі фестывалю.

Яркай падзеяй дня стане выставачны праект "Восіп Цадкін. Вяртанне", які адкрыецца ў Музеі гісторыі Віцебскага народнага мастацкага вучылішча. Восіп Цадкін - выдатны скульптар ХХ стагоддзя, ураджэнец горада Віцебска. Выстаўка дае ўнікальную магчымасць убачыць работы гэтага яркага аўтара парыжскай школы на яго гістарычнай радзіме. Праект рэалізуецца дзякуючы дзяржаўна-прыватнаму партнёрству - сумесна з Міністэрствам культуры Беларусі і Белгазпрамбанкам.

Увечары ўвага ўсіх паклоннікаў фестывалю засяродзіцца ў скверы імя Маякоўскага, дзе пад адкрытым небам у форме гарадскога дзіцячага свята пройдзе першая жараб'ёўка ўдзельнікаў XVI Міжнароднага дзіцячага музычнага конкурсу "Віцебск-2018". У гэтым годзе малая фестывальная інтрыга збярэ 20 канкурсантаў з краін блізкага і далёкага замежжа, у тым ліку ўпершыню за ўсю гісторыю дзіцячага конкурсу на "Славянскім базары" прадстаўнікоў Вялікабрытаніі і Канады. Ад Беларусі будзе выступаць саліст Нацыянальнага цэнтра музычнага мастацтва імя У.Г.Мулявіна (Мінск) Арцём Скароль. Міжнароднае журы ўзначаліць народны артыст Малдовы Канстанцін Масковіч.

Калейдаскоп канцэртаў у Летнім амфітэатры ў 22.00 адкрые заслужаная артыстка Расіі Зара з праграмай "Мір вашаму дому". Спецыяльнымі гасцямі канцэрта стануць Жэрар Дэпардзье, Алег Газманаў, Стас П'еха і Даніл Плужнікаў.

XXVII Міжнародны фестываль мастацтваў "Славянскі базар у Віцебску" пройдзе з 12 па 16 ліпеня. Дадатковыя мерапрыемствы запланаваны 9-11 і 17-18 ліпеня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс