Падзеі, факты, анонсы

У Вялікім тэатры стартаваў сямейны конкурс "Навагодняя тэатральная цацка"

Фота з архiва

25 кастрычніка, Мінск /Кар. БЕЛТА/. У Вялікім тэатры Беларусі стартаваў сямейны конкурс "Навагодняя тэатральная цацка", паведамляе БЕЛТА са спасылкай на тэлеграм-канал Міністэрства культуры.

Каб прыняць удзел, трэба да 12 снежня (уключна) прынесці ў Вялікі тэатр звязаныя са светам тэатра і музыкі цацкі, створаныя ўсёй сям'ёй.

Узнагароджванне пераможцаў адбудзецца традыцыйна пад Новы год - 26 снежня ў 17:00 перад пачаткам спектакля "Гісторыя Кая і Герды (Снежная каралева)". У перадсвяточнай атмасферы Дзед Мароз і Снягурачка ўручаць пераможцам і ўдзельнікам падарункі, заахвочвальныя прызы і дыпломы. Юных гледачоў чакаюць навагоднія інтэрактыўныя гульні і конкурсы.

Свае работы можна прынесці непасрэдна ў тэатр або прыслаць па пошце. На цацках павінна быць пазначана назва работы, а таксама імёны і прозвішчы ўсіх стваральнікаў.

версія для друку

зрабіць стартавай

дабавіць у выбранае