1 лістапада, Мінск /Кар. БЕЛТА/. У склад дванаццатай Беларускай антарктычнай экспедыцыі (БАЭ) увойдуць 10 чалавек. Урачысты старт БАЭ будзе дадзены 5 лістапада, паведамілі БЕЛТА ў прэс-службе Нацыянальнай акадэміі Беларусі.
У прэс-службе праінфармавалі, што БАЭ адправіцца ў Антарктыду 8 лістапада самалётам з Мінска ў Кейптаўн і далей мясцовымі антарктычнымі рэйсамі да беларускай базы - Гара Вячэрняя. У складзе экспедыцыі 10 удзельнікаў, яе ўзначаліць Аляксей Гайдашоў, удзельнік 33-й савецкай і ўсіх папярэдніх беларускіх экспедыцый.
"Кожнаму члену экспедыцыі вызначаны задачы ў межах асноўнай і сумежных спецыяльнасцей. Ім трэба будзе не толькі прадоўжыць далейшае нарошчванне інфраструктуры першай чаргі станцыі, але і выканаць вялікі аб'ём работ па адборы проб і ўзораў прыродных матэрыялаў Антарктыкі, правесці комплекс навуковых даследаванняў", - адзначылі ў прэс-службе.
У гэтым сезоне будзе пашырана кааперацыя ў Антарктыцы. Удзельнікі БАЭ будуць працаваць у складзе балгарскай, турэцкай, расійскай антарктычных экспедыцый.