Падзеі, факты, анонсы

У Нацыянальным аэрапорце Мінск выкарыстоўваецца новая тэхналогія ПЛР-тэсціравання

Фота з архiва

1 чэрвеня, Мінск /Кар. БЕЛТА/. У мікрабіялагічнай лабараторыі, размешчанай на тэрыторыі Нацыянальнага аэрапорта Мінск, з 1 чэрвеня выкарыстоўваецца новая тэхналогія ПЛР-тэсціравання на COVID-19 SmartAmp. Аб гэтым паведамляе БЕЛТА са спасылкай на афіцыйны Telegram-канал аэрапорта.

"Гэта тэхналогія дасць магчымасць павялічыць магутнасць лабараторыі, скараціць час правядзення даследавання пры захаванні высокай адчувальнасці і клінічнай надзейнасці", - гаворыцца ў паведамленні.

Як растлумачылі ў Мінскім гарадскім цэнтры гігіены і эпідэміялогіі, новая тэхналогія ПЛР-тэсціравання ўводзіцца ў сувязі са шматлікімі зваротамі авіяпасажыраў аб неабходнасці атрымання тэрміновых рэзультатаў даследавання на каранавірусную інфекцыю. Пасля вывучэння эфектыўнасці і запатрабаванасці такой паслугі будзе прынята канчатковае рашэнне аб мэтазгоднасці прымянення тэхналогіі SmartAmp у рабоце мікрабіялагічнай лабараторыі Нацыянальнага аэрапорта Мінск, дадалі ў цэнтры.

Лабараторыя працуе ў аэрапорце з панядзелка па пятніцу з 6.30 да 18.00, а ў суботу і нядзелю - да 17.00 (тэхнічны перапынак 12.00-13.00). Для правядзення даследавання неабходна мець копію пашпарта, копію білета або іншага дакумента, які пацвярджае выезд, дакумент, які пацвярджае аплату. Забор біялагічнага матэрыялу на ПЛР-даследаванне па тэхналогіі SmartAmp будзе праводзіцца з 7.30 да 16.00 (субота і нядзеля - да 15.00) па жывой чарзе. Выдача рэзультатаў даследаванняў ажыццяўляецца пасля 11.00 па меры выканання даследаванняў, але не раней, чым праз дзве гадзіны ад моманту забору матэрыялу і афармлення дакументаў.

Кошт ПЛР-даследавання па тэхналогіі SmartAmp па стане на 1 чэрвеня для рэзідэнтаў Беларусі будзе Br67,43, для нерэзідэнтаў - Br85,20.

версія для друку

зрабіць стартавай

дабавіць у выбранае