У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

10 Снж 2015

У другім Калядным конкурсе вакалістаў удзельнічаюць 168 выканаўцаў з 18 краін

10 снежня, Мінск /Кар. БЕЛТА/. У ІІ Мінскім міжнародным Калядным конкурсе вакалістаў прымуць удзел 168 выканаўцаў з 18 краін. Такая колькасць артыстаў зарэгістравалася на ўдзел у конкурсе, паведамілі БЕЛТА ў Нацыянальным акадэмічным Вялікім тэатры оперы і балета Беларусі.

Першы тур праходзіць на працягу двух дзён - 10 і 11 снежня. Другі тур адбудзецца 13 снежня на галоўнай сцэне тэатра. Трэці тур конкурсу пройдзе 15 снежня ў суправаджэнні сімфанічнага аркестра тэатра. У фінальным туры ўдзельнікі конкурсу выканаюць сцэны з опер з удзелам вядучых салістаў Нацыянальнага акадэмічнага Вялікага тэатра оперы і балета.

Уладальнік Гран-пры конкурсу атрымае грашовы прыз у памеры $10 тыс., лаўрэат I прэміі будзе ўзнагароджаны сумай, эквівалентнай $8 тыс., лаўрэат II прэміі ўдастоіцца грашовага прыза $6 тыс., а лаўрэат III прэміі атрымае $4 тыс.

Арганізатарам II Мінскага міжнароднага Каляднага конкурсу вакалістаў, які праходзіць з 9 па 15 снежня, з'яўляецца Нацыянальны акадэмічны Вялікі тэатр оперы і балета. Генеральны партнёр форуму - Беларусбанк.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс