Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

20 Apr 2020

У Беларусі выздаравелі і выпісаны 514 заражаных COVID-19

У Беларусі выздаравелі і выпісаны 514 заражаных COVID-19
Фота з архiва

20 красавіка, Мінск /Кар. БЕЛТА/. У Беларусі на 20 красавіка выздаравелі і выпісаны 514 пацыентаў, у якіх раней быў пацверджаны дыягназ COVID-19, паведамілі БЕЛТА ў прэс-службе Міністэрства аховы здароўя.

У кругласутачным рэжыме спецыялісты лабараторый, адкрытых як у рэспубліканскіх навукова-практычных цэнтрах і ў цэнтрах гігіены, эпідэміялогіі і грамадскага здароўя, так і ў прыватных медыцынскіх цэнтрах, праводзяць праверку тэстаў на COVID-19. Для правядзення тэсціравання задзейнічаны 25 лабараторый.

З пачатку лютага ў Беларусі праведзена 102 тыс. 556 тэстаў на каранавірусную інфекцыю. На бягучым тыдні пачынаецца ўкараненне экспрэс-тэстаў у амбулаторным і стацыянарным звяне, дадалі ў прэс-службе.

На раніцу 18 красавіка было зарэгістравана 518 новых выпадкаў COVID-19, на раніцу 19 красавіка - 510, за апошнія суткі - 457.

 Усяго, паводле даных на 20 красавіка, зарэгістраваны 6264 станоўчыя тэсты на COVID-19: у Брэсцкай вобласці - 185, Віцебскай - 1504, Гомельскай - 322, Гродзенскай - 176, Мінскай - 789, Магілёўскай - 265, Мінску - 3023.

Выпісаны ў сувязі з выздараўленнем 514 чалавек. У асаблівай увазе спецыялістаў у сувязі з цяжкім станам маюць патрэбу 92 чалавекі.

Памёр 51 пацыент з шэрагам хранічных захворванняў з выяўленай каранавіруснай інфекцыяй.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі