Падзеі, факты, анонсы

У Беларусі налічваецца больш за 160 элементаў вулічна-дарожнай сеткі, звязаных з датай 17 верасня

Фота sb.by

15 верасня, Мінск /Кар. БЕЛТА/. У Беларусі налічваецца больш за 160 элементаў вулічна-дарожнай сеткі, звязаных з датай 17 верасня, паведамілі БЕЛТА ў прэс-службе Дзяржкаммаёмасці.

Нацыянальнае кадастравае агенцтва напярэдадні Дня народнага адзінства вывучыла інфармацыю рэестра назваў вуліц і дарог зямельнага кадастру аб колькасці элементаў вулічна-дарожнай сеткі Беларусі, названых у гонар падзеі 17 верасня 1939 года.

Так, лідарамі па колькасці вуліц, завулкаў, паркаў, плошчаў, назвы якіх звязаны з датай 17 верасня, сталі Брэсцкая (67), Мінская (49) і Гродзенская (36) вобласці. Да нядаўняга часу такіх назваў не было толькі ў Магілёўскай вобласці, аднак у канцы 2021 года ў Клімавічах парку прысвоілі назву "Народнага адзінства". Усяго ў краіне налічваецца 167 элементаў вулічна-дарожнай сеткі, звязаных з датай 17 верасня.

Інфармацыя аб размяшчэнні вуліц, а таксама аб падзеях і асобах, адлюстраваных у іх назвах, даступна на сайце публічнай кадастравай карты.

Фота Дзяржкаммаёмасці

версія для друку

зрабіць стартавай

дабавіць у выбранае