У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

13 Жнв 2015

У арганізацыі мінскага паўмарафону ўлічаны вопыт яго буйных еўрапейскіх аналагаў

13 жніўня, Мінск /Кар. БЕЛТА/. Пры арганізацыі мінскага міжнароднага паўмарафону (Polo Марафону), які пройдзе 13 верасня, улічаны вопыт яго вядомых еўрапейскіх аналагаў. Аб гэтым сёння на прэс-канферэнцыі расказаў міністр спорту і турызму, старшыня аргкамітэта мінскага паўмарафону Аляксандр Шамко, перадае карэспандэнт БЕЛТА.

"У мінулым годзе я заручыўся падтрымкай урада па пытанні правядзення мінскага паўмарафону ў больш маштабным і сучасным кантэксце еўрапейскага і сусветнага ўзроўню. Для вырашэння гэтай сур'ёзнай задачы быў арганізаваны маніторынг мерапрыемстваў, якія праводзяцца ў Еўропе. Напрыклад, сумесна са спецыялістамі Беларускай федэрацыі лёгкай атлетыкі выязджалі ў Рыгу, дзе ў гэтым годзе быў праведзены ўжо 25-ы паўмарафон. Хацелася б і нам у далейшым праводзіць такія спаборніцтвы на высокім міжнародным узроўні", - падкрэсліў міністр.

Аляксандр Шамко нагадаў, што гісторыя мінскіх марафонаў і паўмарафонаў бярэ пачатак з 1995 года. Паводле яго слоў, галоўная мэта будучага паўмарафону - папулярызацыя не проста фізічнай культуры і спорту, а актыўнага, здаровага ладу жыцця. Своеасаблівы фармат мерапрыемства, які прадугледжвае ўдзел працоўных калектываў, павінен гэтаму пасадзейнічаць.

Адметнасцю маючых адбыцца спаборніцтваў з'яўляецца тое, што траса пройдзе па цэнтры Мінска, па яго асноўных магістралях і гэта вельмі важна не толькі для аматараў бегу, але і гараджан, якія змогуць убачыць барацьбу ў ходзе спаборніцтваў, упэўнены міністр спорту і турызму Беларусі. Аляксандр Шамко праанансаваў стварэнне не толькі спартыўнага, але і культурнага антуражу паўмарафону. На свяце спорту плануецца задзейнічаць амаль 1 тыс. валанцёраў, што параўнальна з чэмпіянатам свету-2014 па хакеі. Яны будуць аказваць розную дапамогу, уключаючы ахову грамадскага парадку і аказанне медыцынскай дапамогі. "Усе пытанні міжнароднага рэгламенту пры арганізацыі паўмарафону выконваюцца. Гэта робіцца для таго, каб устанавіць нашаму мерапрыемству планку на максімальна высокім узроўні. Гэта важна, таму што нас будуць параўноўваць з іншымі паўмарафонамі. Важна гэта і з пункту гледжання турыстычнай кампаненты", - удакладніў кіраўнік спартыўнага ведамства.

Таксама Аляксандр Шамко расказаў, што ў поўным узгадненні маршруту мінскага паўмарафону ўдзельнічалі міжнародныя інспектары, упаўнаважаныя на правядзенне сертыфікацыі трасы. Міністр таксама адзначыў, што замежным удзельнікам спаборніцтваў віза ў Беларусь будзе прадастаўлена без выплаты консульскага збору, у чым, паводле яго слоў, арганізатары знайшлі падтрымку ў кіраўніка дзяржавы і ўрада - адпаведныя пастановы прыняты ўжо.

Паколькі спаборніцтвы пройдуць у Мінску ў час святкавання Дня горада, рух у цэнтры сталіцы фактычна будзе перакрыты, што створыць пэўную нязручнасць, таму міністр спорту звярнуўся з просьбай да мясцовых жыхароў паставіцца з разуменнем да правядзення мерапрыемства, асабліва значнага для ўсёй краіны.

Начальнік упраўлення спорту і турызму Мінгарвыканкама Сяргей Фурманаў нагадаў, што схема руху ўдзельнікаў размешчана на афіцыйным сайце мінскага паўмарафону. Старт і фініш будуць абсталяваны каля мінскага Палаца спорту. У маршруце будуць задзейнічаны праспекты Пераможцаў і Незалежнасці, вуліцы Валадарскага, Карла Маркса, Энгельса, Камуністычная, Куйбышава, Багдановіча, Янкі Купалы, плошчы Незалежнасці і Перамогі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс