У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

20 Снж 2016

Творчы вечар стыпендыятаў фонду Прэзідэнта Беларусі па падтрымцы таленавітай моладзі прайшоў у Маскве

21 снежня, Масква /Эдуард Півавар - БЕЛТА/. Творчы вечар стыпендыятаў спецыяльнага фонду Прэзідэнта Беларусі па падтрымцы таленавітай моладзі, прысвечаны 20-годдзю яго стварэння, адбыўся 20 снежня ў Маскве ў Дзелавым і культурным комплексе пасольства Беларусі ў Расіі, перадае карэспандэнт БЕЛТА.

Адкрываючы мерапрыемства, Надзвычайны і Паўнамоцны Пасол Беларусі ў Расіі Ігар Петрышэнка падкрэсліў, што ў Беларусі падтрымка адоранай і таленавітай моладзі ажыццяўляецца на сістэмнай аснове. "Тэзіс аб тым, што здабытак народа вызначаецца ў немалой ступені яго творчым патэнцыялам, - для нас не пустыя, не дзяжурныя словы", - сказаў дыпламат. Менавіта таму ў 1996 годзе быў створаны спецыяльны фонд Прэзідэнта Беларусі па падтрымцы таленавітай моладзі. За гэтыя гады яго стыпендыятамі сталі больш як 2,5 тыс. маладых людзей, творчых калектываў і педагогаў.

"Паглядзіце, якія цудоўныя людзі адбыліся з лаўрэатаў фонду: салісты Вялікага тэатра оперы і балета нашай краіны Аксана Волкава і Канстанцін Геронік, скрыпач Арцём Шышкоў, якія заняў прызавыя месцы на больш як 15 міжнародных і рэспубліканскіх конкурсах, віртуоз-баяніст Уладзіслаў Плігаўка - пераможца амаль 30 конкурсаў міжнароднага маштабу, - прывёў яркія прыклады пасол. - І такіх дастойных маладых людзей у нас шмат, іх імёны можна яшчэ доўга пералічваць".

На творчым вечары ў зале прысутнічалі прадстаўнікі кіраўніцтва дабрачыннага фонду Уладзіміра Співакова, фонду "Таленты свету", Маскоўскай дзяржаўнай абласной філармоніі, Расійскай акадэміі музыкі імя Гнесіных, а таксама Еўразійскай эканамічнай камісіі, Пастаяннага камітэта Саюзнай дзяржавы, дыпламатычнага корпуса. Спецыяльным госцем стаў вядомы кампазітар і музычны прадзюсар Віктар Дробыш.

У гэты вечар у выкананні юных беларускіх талентаў прагучалі шэдэўры сусветнай класічнай музыкі. А ў Мармуровай зале комплексу была разгорнута выстава карцін і скульптурных кампазіцый, створаных лаўрэатамі фонду.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс