Падзеі, факты, анонсы

Творчую спадчыну фарфоравага завода прадставілі на выставе "Беларуская ваза" ў Мінску

Фота з сацыяльных сетак

29 снежня, Мінск /Кар. БЕЛТА/. Выставу "Беларуская ваза" прадставілі ў Нацыянальным мастацкім музеі. Аб гэтым паведамілі БЕЛТА ва ўстанове культуры.

Праект прысвечаны творчай спадчыне Мінскага фарфоравага завода за ўвесь перыяд яго работы з 1951 па 2009 год. Выстава дэманструе эвалюцыю мастацкага фарфору і фаянсу ў Беларусі. У экспазіцыі прадстаўлены работы такіх аўтараў, як Леанід Багданаў, Валянцін Кірыленка, Валерый Леантовіч і інш.

Гісторыя беларускага фарфору непарыўна звязана з імем Мікалая Міхалапа. Менавіта ён у сярэдзіне ХХ стагоддзя дапамагаў майстрам завода асвойваць новыя матэрыялы і фарміраваць уласны вядомы стыль. На выставе можна ўбачыць, як звычайны посуд ператвараўся ў прадмет высокай пластыкі, дзе важны кожная форма, каларыт, сілуэт і адценне.

Вырабы Мінскага фарфоравага завода атрымалі прызнанне не толькі ў Беларусі, але і за мяжой. Яны рэгулярна прадстаўляліся на міжнародных выставах, дзе не раз былі ўдастоены ўзнагарод. Сёння вырабы завода атрымалі асаблівую каштоўнасць, бо ў 2009 годзе прадпрыемства было закрыта. Цяпер аўтарскі фарфор Мінскага фарфоравага завода - сапраўдная рэдкасць.

версія для друку

зрабіць стартавай

дабавіць у выбранае