30 снежня, Мінск /Кар. БЕЛТА/. Турыстычны патэнцыял Беларусі ў 2020 годзе прэзентуюць на выстаўках у Нью-Ёрку, Дубаі і Лондане, паведамілі БЕЛТА ў Нацыянальным агенцтве па турызме.
Запланаваны ўдзел у 17 міжнародных турыстычных выстаўках. Беларусь на іх будзе прадстаўлена адзіным нацыянальным стэндам.
У студзені намечаны выстаўкі ў Хельсінкі, Мадрыдзе, Нью-Ёрку. З 31 студзеня па 2 лютага плануецца ўдзел у буйнейшай у краінах Балтыі выстаўцы турыстычнай індустрыі Balttour (Рыга). У лютым магчымасці беларускага турызму прадэманструюць у Тэль-Авіве і Таліне, а ў сакавіку экспазіцыя перамесціцца ў Берлін і Маскву. Насычаным будзе красавік з выстаўкамі ў Мінску, Пекіне, Баку і Дубаі. Нацыянальны стэнд Беларусі ў верасні адкрыецца ў Гуанчжоу і Нур-Султане, у лістападзе - у Вялікабрытаніі і Польшчы. Завершыць год турвыставак форум у Барселоне.
Акрамя таго, плануюцца семінары і прэзентацыі турыстычнага патэнцыялу Беларусі ў РФ, Літве, Латвіі, Эстоніі, Сербіі, Украіне, Польшчы.