Падзеі, факты, анонсы

Турнір па мастацкай гімнастыцы на прызы Лобач стартуе ў Мінску

Фота з архiва

17 кастрычніка, Мінск /Кар. БЕЛТА/. У сталічным Палацы мастацкай гімнастыкі стартуе 21-ы міжнародны турнір на прызы алімпійскай чэмпіёнкі Марыны Лобач, паведамляе карэспандэнт БЕЛТА.

Удзел у спаборніцтвах прымуць грацыі з Беларусі, Расіі і Малдовы, якія разыграюць 20 камплектаў узнагарод. Гімнасткі вызначаць прызёраў у мнагабор'і і асобных практыкаваннях у чатырох катэгорыях: дзеці, прэ-юніёркі, юніёркі і сеніёркі. Акрамя таго, у Мінску адбудзецца камандны турнір - за галоўны прыз паспрачаюцца 20 квартэтаў, у склад якіх увойдуць па адной прадстаўніцы кожнай узроставай групы.

На дамашнія спаборніцтвы заявіліся лідары нашай нацыянальнай каманды Аліна Гарнасько і Настасся Салас, таксама на дыван выйдуць прызёры буйных міжнародных стартаў Аліна Рэчкіна, Дар'я Ткачова, Ганна Кандрашына, Ніка Косціна, Ніколь Лявута, Кіра Бабкевіч і Маргарыта Журовіч. Турнір на прызы Марыны Лобач прадоўжыцца па 19 кастрычніка, уваход на трыбуны Палаца мастацкай гімнастыкі свабодны.

версія для друку

зрабіць стартавай

дабавіць у выбранае