Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

30 Aug 2021

Тэатральныя сустрэчы "Лялькін куФЭр" упершыню пройдуць у Магілёве

Тэатральныя сустрэчы
Фота Магілёўскага абласнога тэатра лялек

30 жніўня, Магілёў /Кар. БЕЛТА/. Тэатральныя сустрэчы "Лялькін куФЭр" упершыню пройдуць у Магілёве. Аб гэтым карэспандэнту БЕЛТА паведамілі ў Магілёўскім абласным тэатры лялек.

"Тэатральныя сустрэчы пройдуць з 6 па 12 верасня і збяруць на адной пляцоўцы лялечнікаў з Магілёва, Мінска, Гомеля, Маладзечна і Брэста, - адзначылі ва ўстанове культуры. - Праект рэалізуецца ўпершыню і прымеркаваны да юбілейнай даты - адкрыцця 45-га тэатральнага сезона. Мы хочам, каб сустрэчы сталі сапраўдным святам тэатральнага мастацтва, паколькі ў іх правядзенні прымаюць удзел прафесіяналы, якія жывуць сцэнай".

У праграму тэатральных сустрэч увайшлі сем спектакляў. Гэта разнажанравая падборка, разлічаная як на дзіцячую, так і на дарослую аўдыторыю. Паказы пройдуць на сцэне абласнога тэатра лялек, за выключэннем пастаноўкі "Пансіён Belvedere". Яе арганізатары перанясуць у Магілёўскі абласны драматычны тэатр.

"Адкрыццё мерапрыемства пачнецца ў 17.30 на пляцоўцы перад лялечным тэатрам. Гасцей будуць сустракаць жывыя статуі і музыканты вядомага магілёўскага калектыву Jazz City Band, - расказалі ва ўстанове культуры. - У холе разгорнецца інтэрактыўная выстаўка, прысвечаная тэатральным сустрэчам "Лялькін куФЭр". Тут будуць устаноўлены невялікія "куфэркі" з казачнымі персанажамі ўнутры - лялечнымі героямі спектакляў мінулых гадоў".

Праграму тэатральных сустрэч адкрые спектакль магілёўскага тэатра "Самы маленькі самалёт на свеце", які палюбіўся маленькім гледачам. Арганізатары сустрэч спадзяюцца, што такі фармат спадабаецца і гледачам, і ўдзельнікам. У планах праводзіць сустрэчы штогод і з часам вырасці да ўзроўню рэспубліканскага фестывалю лялечных тэатраў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі