Падзеі, факты, анонсы

Сцяг "Славянскага базару" ўзнялі каля Летняга амфітэатра

15 ліпеня, Віцебск /Кар. БЕЛТА/. На ўрачыстай цырымоніі каля Летняга амфітэатра ўзнялі сцяг XXXV Міжнароднага фестывалю мастацтваў "Славянскі базар у Віцебску", перадае карэспандэнт БЕЛТА.

Сцяг "Славянскага базару", адзін з важнейшых сімвалаў віцебскага фестывалю, узнялі ў культурна-спартыўным комплексе Летняга амфітэатра. Ён заняў сваё месца на флагштоку сярод сцягоў 52 краін-удзельніц, якія ў гэтым годзе прыбудуць на юбілейны культурны форум.

Такая цырымонія ўжо традыцыйная. У ёй удзельнічаюць творчыя калектывы Цэнтра культуры "Віцебск", ствараючы яркае шоу з танцамі, ігрой на барабанах і салютам.

На пляцоўках фестывалю пройдзе больш за 200 мерапрыемстваў. Заўтра адбудзецца ўрачыстае адкрыццё "Славянскага базару", а ўчора ў Віцебску сабраў поўныя трыбуны ў цэнтральным спартыўным комплексе першы канцэрт, дзе выступілі рок-групы. Шматлікія дэлегацыі прадаўжаюць прыбываць на форум, а вуліцы абласнога цэнтра гудуць, як вясёлы вулей. Кірмашы, паказы пад адкрытым небам прыцягваюць наведвальнікаў усіх узростаў.

"Славянскі базар" закрыецца 19 ліпеня, але яшчэ 20 ліпеня ў фестывальнай сталіцы пройдзе некалькі фінальных мерапрыемстваў, у тым ліку канцэрт зорак шансона.

версія для друку

зрабіць стартавай

дабавіць у выбранае