Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

22 Dec 2020

Сцэна памерам як 6-павярховы дом і бальныя традыцыі - навагодняя афіша Мінска

Сцэна памерам як 6-павярховы дом і бальныя традыцыі - навагодняя афіша Мінска

22 снежня, Мінск /Кар. БЕЛТА/. Сцэнічны комплекс памерам як шасціпавярховы дом для навагодніх канцэртаў і беларускія традыцыі на маладзёжным балі - пра асноўныя святочныя мерапрыемствы ў Мінску журналістам расказаў сёння намеснік начальніка ўпраўлення культуры Мінгарвыканкама Аляксандр Шастакоў, перадае карэспандэнт БЕЛТА.

У сталіцы аднаўляецца традыцыя гулянняў на тэрыторыі Верхняга горада. "Падрыхтаваны паказ "Навагодняя карусель, або Тайна афішнай тумбы" - разнастайнасць карцін і мастацкіх вобразаў. Выступяць прафесійныя артысты балета, цыркавога і тэатральнага мастацтва. Паказы будуць праходзіць з 26 снежня па 2 студзеня - у 17.00 і 20.00", - расказаў Аляксандр Шастакоў.

У навагоднюю ноч з 0.00 да 3.00 на Кастрычніцкай плошчы пройдзе эстраднае музычна-тэатралізаванае шоу "Зімовы канцэрт". Яго паўтораць 1 і 2 студзеня - з 18.00 да 21.00.

"Ужо цяпер відаць, што сцэнічны комплекс памерам амаль як шасціпавярховы дом. Гэта будзе маштабны тэхнічны паказ з відэакантэнтам і пнеўма-піратэхнічнымі эфектамі", - разрэкламаваў шоу прадстаўнік гарадской адміністрацыі.

Феерверк запланаваны на 1.30 1 студзеня. Агнявая кропка размешчана ў Аляксандраўскім скверы, таму глядзець шоу лепш за ўсё з Кастрычніцкай плошчы і праспекта Незалежнасці.

З 18 снежня ў сталіцы ўжо стартаваў "Калядны кірмаш". Асноўныя лакацыі - каля галоўнай ёлкі краіны на Кастрычніцкай плошчы і каля Палаца спорту. Каля галоўнай ёлкі кірмаш будзе працаваць 18-23 снежня - з 12.00 да 20.00, 24-30 снежня - з 12.00 да 23.00, а таксама з 12.00 31 снежня да 4.00 1 студзеня. Рэжым работы з 1 па 14 студзеня - з 12.00 да 20.00. Каля Палаца спорту гандаль разгорнецца з 18 снежня па 14 студзеня. Графік работы ў будныя дні - з 14.00 да 23.00, у выхадныя - з 12.00 да 23.00, у навагоднюю ноч - да 4 раніцы.

Аляксандр Шастакоў дадаў, што грамадскі транспарт будзе курсіраваць да 4 гадзін раніцы, каб людзям было зручна дабрацца пасля мерапрыемстваў дадому.

Навагоднія гулянні плануюцца і на тэрыторыі раёнаў горада - на 19 адкрытых пляцоўках.

Таксама ў сталіцы разгарнулася акцыя "Нашы дзеці", галоўнай падзеяй якой стане навагодні баль для таленавітай моладзі ў Палацы Незалежнасці 28 снежня. "Свята плануецца правесці ў беларускіх традыцыях і па канонах бальнай культуры. Баль складаецца з дзвюх частак: класічнай і адвольнай. Адкрыецца паланэзам дэбютантаў і завершыцца кадрыллю. Ён будзе праходзіць у суправаджэнні Прэзідэнцкага аркестра. Плануецца выступленне каля 100 пар", - раскрыў падрабязнасці Аляксандр Шастакоў.

Да гэтага 24 снежня пройдзе свята для маладых людзей - у Палацы Рэспублікі, 23 снежня і 28 снежня - праграма для дзяцей у Белдзяржцырку "У пошуках чараўніцтва" і іншыя мерапрыемствы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі