Падзеі, факты, анонсы
Стала вядома, хто прадставіць Беларусь на "Інтэрбачанні-2025"
Настасся Краўчанка. Фота з архіва
19 мая, Мінск /Кар. БЕЛТА/. Настасся Краўчанка прадставіць Беларусь на "Інтэрбачанні-2025". Прадстаўнік Беларусі на конкурсе вызначаны з 37 прэтэндэнтаў рашэннем фокус-групы, сабранай Белтэлерадыёкампаніяй. Аб гэтым БЕЛТА паведамілі ў медыяхолдынгу.
Заяўкі для ўдзелу ў адборы прымаліся на афіцыйным сайце Белтэлерадыёкампаніі. Пазмагацца за права прадставіць Беларусь на "Інтэрбачанні-2025" маглі як сольныя выканаўцы, так і калектывы ў складзе не больш за шэсць чалавек. Узрост удзельнікаў - не меншы за 16 гадоў. Яшчэ адна важная ўмова - пастаянны ўдзел у тэлевізійных канцэртах, актуальныя ратацыі на радыё і ўзнагароды нацыянальных музычных прэмій.
Фінальнае вочнае праслухоўванне адбылося 18 красавіка на базе кінастудыі "Беларусьфільм". У фінал адбору прайшлі 10 самых яркіх таленавітых артыстаў. Вакальныя даныя і артыстызм выканаўцаў ацэньвала прафесійная фокус-група, у склад якой увайшлі прадстаўнікі музычнай супольнасці, прадзюсарскіх цэнтраў і арганізатараў буйнейшых музычных мерапрыемстваў Беларусі.
Большасцю галасоў (8 з 13) удзельнікі фокус-групы выбралі Настассю Краўчанка ў якасці прадстаўніцы Беларусі на "Інтэрбачанні-2025".
На рахунку артысткі перамогі і ўзнагароды на міжнародных і рэспубліканскіх конкурсах. За апошнія некалькі гадоў Настасся Краўчанка стала суперфіналісткай музычнага шоу "X-Фактар. Беларусь", фіналісткай шоу "Залятай у трэнды", лаўрэатам "Песні года Беларусі", "Новай песні года" ў Маскве. Спявачка - уладальніца залатой кнопкі YouTube, плацінавага дыска за мільён праслухоўванняў на стрымінгавых платформах. За творчасцю Краўчанка ў яе сацыяльных сетках сочаць каля 3 млн фолавераў. Таксама Настасся Краўчанка - вядучая Белтэлерадыёкампаніі.
"Інтэрбачанне-2025" пройдзе 20 верасня на пляцоўцы Live Arena ў Маскве. Чакаецца ўдзел прадстаўнікоў больш як 20 краін. У асноўным гэта дзяржавы - удзельніцы БРІКС, СНД, краіны Лацінскай Амерыкі і Блізкага Усходу. У конкурсе зможа прыняць удзел адзін выканаўца або група ад кожнай з краін-удзельніц. Вызначаць самага дастойнага прадстаўніка сваёй нацыянальнай эстрады краіны-ўдзельніцы будуць самастойна. Пераможца конкурсу будзе выбраны па выніках галасавання міжнародным прафесійным журы, якое складаецца з прызнаных музычных экспертаў ад кожнай з краін-удзельніц.
"Інтэрбачанне" павінна стаць адной з ключавых падзей 2025 года для далейшага развіцця міжнароднага супрацоўніцтва. Конкурс выступіць платформай для дэманстрацыі ўзаемнага паважання традыцый і духоўна-маральных каштоўнасцей, пазнаёміць гледачоў з нацыянальнай ідэнтычнасцю і культурным багаццем краін-удзельніц.
Суарганізатарам конкурсу ў Беларусі выступае Белтэлерадыёкампанія. Прамую трансляцыю конкурсу пакажа тэлеканал "Беларусь 1".
версія для друку
зрабіць стартавай
дабавіць у выбранае