У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

9 Сак 2020

Стагоддзе БДУ ўнесена ў спіс памятных дат ЮНЕСКА

Стагоддзе БДУ ўнесена ў спіс памятных дат ЮНЕСКА
Фота з архiва

9 сакавіка, Мінск /Кар. БЕЛТА/. Стагоддзе Белдзяржуніверсітэта ўнесена ў спіс памятных дат ЮНЕСКА. Гэту значную падзею ўніверсітэт адзначыць 30 кастрычніка 2021 года, паведамілі БЕЛТА ў прэс-службе ВНУ.

Такое рашэнне прынята на 40-й сесіі Генеральнай канферэнцыі ЮНЕСКА. Усяго ў каляндар мерапрыемстваў на 2020-2021 гады ўвайшлі 59 найбольш важных падзей з усяго свету. Ад Беларусі ў спіс таксама ўключана святкаванне 150-годдзя са дня нараджэння мастака Фердынанда Рушчыца.

"Унясенне стагоддзя БДУ ў каляндар ЮНЕСКА надзяляе гэта мерапрыемства міжнародным статусам, пацвярджае значны ўклад беларускай ВНУ ў развіццё сусветнай адукацыі і навукі, а сама падзея адлюстроўвае ідэалы і каштоўнасці чалавецтва, культурную разнастайнасць. Цяпер універсітэт афіцыйна мае права выкарыстоўваць лагатып арганізацыі на друкаванай і візуальнай прадукцыі, прымеркаванай да 100-гадовага юбілею", - расказалі ў прэс-службе.

За гісторыю правядзення мерапрыемстваў пры падтрымцы ЮНЕСКА з усіх устаноў вышэйшай адукацыі Беларусі толькі даты БДУ ў розны час былі ўключаны ў гэты спіс. Сярод іх 90-годдзі з дня нараджэння выдатных вучоных-гісторыкаў Мікалая Нікольскага і Уладзіміра Перцава ў 1967 годзе, а таксама 50-годдзе БДУ ў 1971-м.

Універсітэт актыўна супрацоўнічае з ЮНЕСКА дзякуючы дзейнасці кафедраў па прыродазнаўчанавуковай адукацыі на хімічным факультэце і "Радыяцыя і менеджмент навакольнага асяроддзя" ў Міжнародным дзяржаўным экалагічным інстытуце імя А.Д.Сахарава БДУ.

ЮНЕСКА прымае ўдзел у святкаванні гадавін і знамянальных дат у галіне навукі, культуры і асветы дзяржаў - членаў ААН з 1956 года з мэтай надання гэтым падзеям сусветнага значэння. За гэты час пры інфармацыйнай, арганізацыйнай або фінансавай дапамозе ЮНЕСКА было праведзена больш за 800 памятных мерапрыемстваў. Усе яны датычацца пытанняў захавання, вывучэння і асваення гісторыка-культурнай, літаратурнай і прыроднай спадчыны. Пры падтрымцы ЮНЕСКА ў Беларусі адзначаліся юбілеі выдатных дзеячаў і розныя падзеі з сусветным або рэгіянальным значэннем - усяго больш за 60 мерапрыемстваў. Сярод іх 40-годдзе Нацыянальнага акадэмічнага драматычнага тэатра імя Я.Коласа, 1150-годдзе Полацка, 450-годдзе беларускага кнігадрукавання.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі