У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Лют 2015

Спартыўныя ведамствы Беларусі і Арменіі дамовіліся аб супрацоўніцтве ў 2015-2016 гадах

19 лютага, Мінск /Кар. БЕЛТА/. Паміж Міністэрствам спорту і турызму Беларусі і Міністэрствам спорту і па справах моладзі Арменіі падпісана праграма супрацоўніцтва ў галіне фізічнай культуры і спорту на 2015-2016 гады. Аб гэтым паведамілі БЕЛТА ў прэс-службе спартыўнага ведамства краіны.

Подпісы пад дакументам паставілі міністр спорту і турызму Беларусі Аляксандр Шамко і міністр спорту і па справах моладзі Арменіі Габрыэл Казаран.

"Асноўная мэта праграмы - ажыццяўленне комплексу мер па развіцці ўзаемавыгаднага супрацоўніцтва для забеспячэння роўных правоў грамадзян на займанне фізічнай культурай і спортам, стварэння сістэмы падрыхтоўкі спартсменаў высокага класа, спартыўнага рэзерву да міжнародных спартыўных мерапрыемстваў і эфектыўнага выкарыстання спартыўных баз", - растлумачылі ў прэс-службе.

Як паведамляецца, рэалізацыя праграмы прадугледжвае ўзаемадзеянне дзяржаўных органаў кіравання фізічнай культурай і спортам, грамадскіх і рэгіянальных спартыўных арганізацый, а таксама навучальных, навуковых, медыцынскіх устаноў спартыўнага профілю дзвюх краін. Плануецца, што нацыянальныя і зборныя каманды Беларусі і Арменіі прадоўжаць выступаць у афіцыйных міжнародных спаборніцтвах, якія праводзяцца на іх тэрыторыях, а таксама ў адкрытых чэмпіянатах і першынствах. Акрамя таго, адчынены дзверы для ўдзелу спартыўных дэлегацый у афіцыйных спартыўна-масавых мерапрыемствах дзвюх дзяржаў.

Падпісаная праграма таксама прадугледжвае супрацоўніцтва Беларусі і Арменіі ў галіне антыдопінгавага кантролю, а таксама шэраг іншых напрамкаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс