Падзеі, факты, анонсы

Сінхраністка Хандошка стала чэмпіёнкай Еўропы ў адвольнай праграме

3 жніўня, Мінск /Кар. БЕЛТА/. Сінхраністка Васіліна Хандошка прынесла беларускай камандзе першы медаль чэмпіянату Еўропы па водных відах спорту ў Парыжы, паведамляе карэспандэнт БЕЛТА.

У панядзелак, 3 жніўня, у сталіцы Францыі адбыліся спаборніцтвы салістак у адвольнай праграме. За сваё выступленне Хандошка атрымала 292,3887 бала і заняла першае месца сярод 12 фіналістак. Другое месца з адставаннем на тры ачкі заняла немка Клара Бляер, тройку замкнула іспанка Ірыс Ціё Касас, якая ўступіла нашай спартсменцы амаль восем балаў.

Васіліна ўпершыню ў кар'еры заваявала золата чэмпіянату Еўропы - шэсць гадоў таму на кантынентальным форуме ў Будапешце беларуска была бронзавым прызёрам. Таксама ў Хандошка тры медалі з чэмпіянатаў свету. Узнагароды парыжскага турніру ў тэхнічнай праграме салістак будуць разыграны 4 жніўня.

версія для друку

зрабіць стартавай

дабавіць у выбранае