Падзеі, факты, анонсы

Смольскі стаў другім у мас-старце на Кубку Міжнароднай лігі клубнага біятлона

Антон Смольскі. Фота Мінспорту

22 лістапада, Мінск /Кар. БЕЛТА/. Беларус Антон Смольскі стаў прызёрам гонкі з масавым стартам на Кубку Міжнароднай лігі клубнага біятлона, паведамляе карэспандэнт БЕЛТА.

На першым турніры зімовага сезона спартсмены прадстаўляюць не свае краіны, а біятлонныя клубы. Удзел у мужчынскім мас-старце прынялі сем беларусаў, лепшым з якіх стаў Антон Смольскі. Член каманды High-Pro дапусціў па адным промаху на двух рубяжах са становішча лежачы, але абедзве стойкі прайшоў чыста. Фінішную рысу Смольскі перасек другім праз тры секунды пасля расіяніна Данііла Серахвостава (БК "Прафінскі").

Пяцёрку лепшых замкнуў яшчэ адзін прадстаўнік беларускага клуба High-Pro Дзмітрый Лазоўскі. Праграму спаборніцтваў суботы ў Ханты-Мансійску прадоўжыць жаночая гонка з масавым стартам. 23 лістапада на Кубку Міжнароднай лігі клубнага біятлона адбудзецца змешаная эстафета.

версія для друку

зрабіць стартавай

дабавіць у выбранае