Падзеі, факты, анонсы

Сімагуці: сустрэча з "Беларусьфільмам" перарасце ва ўстойлівае супрацоўніцтва

Фота з архiва

26 лістапада, Мінск /Кар. БЕЛТА/. Упершыню за гісторыю існавання кінастудыі "Беларусьфільм" падпісана Пагадненне аб доўгатэрміновым супрацоўніцтве беларускіх і японскіх кінематаграфістаў у сферы кіно на палях правядзення Мінскага міжнароднага кінафестывалю "Лістапад", перадае карэспандэнт БЕЛТА.

Прадстаўнік з беларускага боку - дырэктар кінастудыі "Беларусьфільм" Уладзімір Карачэўскі і японскі акцёр, рэжысёр Тэцура Сімагуці паставілі свае подпісы ў дакуменце і маюць намер ствараць сумесныя праекты. "Я выказваю шчырую падзяку нашым гасцям за тое, што падтрымалі нас. Падпісанне такога пагаднення - вялікі гонар для нас. Гэта сведчыць аб тым, што мы хочам працаваць, сябраваць і быць карыснымі адзін аднаму", - сказаў Уладзімір Карачэўскі.

У сваю чаргу Тэцура Сімагуці адзначыў, што яму важна супрацоўнічаць з рознымі краінамі. "Незалежна ад узросту або рэлігіі мы можам дамаўляцца і ствараць сумесныя творы мастацтва. Спадзяюся, наша сустрэча ў далейшым разальецца ва ўстойлівае супрацоўніцтва. Сёння мы пастараемся выкласціся на поўную моц і паказаць вам сваё майстэрства", - сказаў ён.

На мерапрыемстве прысутнічала жонка японскага госця спявачка і аўтар песень Міка Кабаясі. Тэцура Сімагуці папрацаваў з беларускімі каскадзёрамі і прадставіў майстар-клас па баявым майстэрстве.

Сусветную вядомасць Тэцура Сімагуці набыў у Галівудзе пасля супрацоўніцтва з Квенцінам Таранціна, дзе працаваў не толькі як пастаноўшчык баявых самурайскіх сцэн, але сыграў адну з запамінальных роляў у культавай дылогіі рэжысёра "Забіць Біла". Тэцура Сімагуці шырока вядомы ў Японіі і за яе межамі як акцёр, рэжысёр, прадзюсер, заснавальнік і кіраўнік тэатра "Камуі". Таксама ён стваральнік стылю кенгіда - баявога майстэрства валодання японскім мячом.

XXVII Мінскі міжнародны кінафестываль "Лістапад" праходзіць з 20 па 26 лістапада. Заснавальнікі - Міністэрства культуры і Мінгарвыканкам, арганізатар - Нацыянальная кінастудыя "Беларусьфільм". Усяго дырэкцыя фестывалю атрымала 273 заяўкі з 54 краін. Сярод іх як даўнія сябры і кінапартнёры Беларусі (Расія, Украіна, Азербайджан, Грузія, Сербія), так і краіны Заходняй і Цэнтральнай Еўропы, Лацінскай Амерыкі і Паўднёва-Усходняй Азіі.

версія для друку

зрабіць стартавай

дабавіць у выбранае