Падзеі, факты, анонсы

Сяргей Бачарнікаў заняў 3-е месца ў індывідуальнай гонцы на этапе Кубка IBU па біятлоне ў Аўстрыі

Сіверт Бакен, Сімон Фуркад і Сяргей Бачарнікаў. Фота IBU

19 снежня, Мінск /Кар. БЕЛТА/. Беларус Сяргей Бачарнікаў заняў трэцяе месца ў індывідуальнай гонцы на этапе Кубка IBU ў Аўстрыі, паведамляе карэспандэнт БЕЛТА.

Трэнерскі штаб беларускай зборнай пасля выступлення на другім этапе Кубка свету ў Хохфільцэне вырашыў заявіць асноўны склад мужчынскай каманды на спаборніцтвы рангам ніжэй.

Дыстанцыю 20 км Сяргей Бачарнікаў пераадолеў з адставаннем 2 мін 18,3 сек ад пераможцы Сімона Фуркада (50 мін 01,9 сек). Беларус на чатырох агнявых рубяжах дапусціў толькі адзін промах на другой стральбе.

Уладзімір Чапелін заняў 12-е месца - +3 мін 09,7 сек (0+2+0+1), Максім Варабей размясціўся на 21-м радку падагульняючага пратакола.

Усяго ў індывідуальнай гонцы ў мужчын выступілі 112 удзельнікаў.

версія для друку

зрабіць стартавай

дабавіць у выбранае