Падзеі, факты, анонсы

Што беларусы лічаць самым важным у жыцці? Даныя сацдаследавання

Фота з архiва

10 верасня, Мінск /Кар. БЕЛТА/. Для большасці беларусаў - 80,8% - найбольш важным у жыцці з'яўляецца здароўе. Аб гэтым расказаў кіраўнік аналітычнага цэнтра EcooM Сяргей Мусіенка, прэзентуючы вынікі рэспубліканскага сацыялагічнага даследавання, якія датычацца актуальных пытанняў сацыяльна-эканамічнага развіцця Беларусі, перадае карэспандэнт БЕЛТА.

Кіраўнік аналітычнага цэнтра EcooM падкрэсліў, што адказ аб здароўі ўперадзе з вялікім адрывам. І гэта, паводле яго слоў, не заклапочанасць, а разуменне важнасці правільнага харчавання, занятку спортам, карысці рэгулярных медыцынскіх аглядаў. "Прыемна, што гэта разумеюць больш як 80%. Вядома, хацелася б, каб гэта разумела моладзь як мага раней", - сказаў ён.

Сяргей Мусіенка адзначыў, што Прэзідэнт Беларусі ўдзяляе вялікую ўвагу школьнаму харчаванню, займаецца гэтым канкрэтна, паколькі гэта фундамент здароўя нацыі, і дадаў, што складана назваць краіну, дзе гэтаму пытанню ўдзяляецца такая ж пільная ўвага.

Кіраўнік аналітычнага цэнтра EcooM таксама указаў на высокую долю адказаў на карысць сям'і. "Прыемна, што сям'я і здароўе - асноўны прыярытэт", - сказаў ён.

Ён адзначыў, што ў сукупнасці тры паказчыкі - душэўны спакой, самарэалізацыя і цікавая работа - указалі больш як 60% рэспандэнтаў. "Згадзіцеся, душэўны спакой узнікае ад цікавай работы і самарэалізацыі", - пракаменціраваў Сяргей Мусіенка.

Згодна з вынікамі рэспубліканскага сацыялагічнага даследавання, для 60,9% беларусаў найбольш важным у жыцці з'яўляецца сям'я, 45,7% - грошы, матэрыяльны дастатак, 39,1% - душэўны спакой, камфорт, 15,6% - каханне, 12,3% - цікавая работа, 9,6% - самарэалізацыя, 8,1% - веды, адукацыя, 8% - чалавекалюбства, дапамога людзям, 5,4% - працавітасць, 4,1% - рэлігійная вера, 3% - забаўкі, 2% - грамадскае прызнанне, высокі статус у грамадстве.

У ліпені-жніўні 2026 года Інстытут сацыялогіі НАН Беларусі па заказе БІСД правёў комплекснае рэспубліканскае сацыялагічнае даследаванне. У ім прынялі ўдзел 2045 рэспандэнтаў з усіх рэгіёнаў краіны. Сёння ў Мінску прэзентавалі першую частку вынікаў сацдаследавання, якая датычыцца актуальных пытанняў сацыяльна-эканамічнага развіцця Беларусі.

версія для друку

зрабіць стартавай

дабавіць у выбранае