Падзеі, факты, анонсы
Шкляное сэрца разыграюць 13 удзельнікаў нацыянальнага адбору конкурсу "Еўрабачанне-2017"
20 студзеня, Мінск /Кар. БЕЛТА/. Сімвал перамогі нацыянальнага адбору на "Еўрабачанне" - стылізаванае шкляное сэрца - разыграюць сёння 13 артыстаў, паведамляе карэспандэнт БЕЛТА.
Гледачы і журы прымуць рашэнне, каму дастануцца лаўры пераможцы адбору на "Еўрабачанне-2017" па выніках выступлення на шоу, якое будзе трансліравацца ў прамым эфіры тэлеканалаў "Беларусь 1", "Беларусь 24" і ў рэжыме online на сайце медыяхолдынга tvr.by. Прамую трансляцыю канцэрта таксама будзе весці радыёстанцыя кампаніі "Радыус FM". Пачатак трансляцыі ў 22.00.
Хто прадставіць Беларусь на міжнародным конкурсе песні, тэлегледачы і прафесійнае журы вызначаць па формуле 50x50.
За пуцёўку на самае маштабнае шоу Еўропы, якое ў гэтым годзе прымае Кіеў, пазмагаюцца:
1. ІЮЛЬ (Юлія Каранюк); 2. Аляксандра Ткач; 3. Уладзіслаў Курасаў; 4. Група NAVIBAND; 5. ISAAK NIGHTINGALE; 6. KATTIE; 7. NUTEKI; 8. NAPOLI; 9. Мікіта Ходас; 10. Анжаліка Пушнова; 11. Анастасія Шавярэнка; 12. LERMONT x JULIC; 13. Група PROвакацыя.Шоу са студыі "600 метраў" абяцае стаць запамінальным і яркім. І тэлегледачоў, і гасцей у студыі чакае шмат сюрпрызаў, пачынаючы ад якасці "карцінкі" да цікавых графічных рашэнняў, якія, несумненна, уразяць аўдыторыю. У вялікім канцэрце, акрамя фіналістаў, прымуць удзел спецыяльныя госці, сярод якіх Тэа, Юзары і IVAN, якія раней прадстаўлялі краіну на міжнародным конкурсе "Еўрабачанне", а таксама самыя яркія канкурсанты сёлетняга нацыянальнага адбору. Вядучымі гала-канцэрта стануць Вольга Рыжыкава і Тэа.
Фіналісты адбору на "Еўрабачанне-2017" будуць сачыць за вынікамі галасавання з грын-рума. Гэта практыка міжнароднага конкурсу на беларускім адборы выкарыстоўваецца ўпершыню. Па традыцыі, пераможца атрымае спецыяльную ўзнагароду - стылізаванае "еўравізійнае" сэрца. Прызы і падарункі для пераможцы і фіналістаў падрыхтавалі спонсары праекта шклозавод "Нёман" і ЗАТ "Вітэкс".
Арганізацыю нацыянальнага адборачнага тура і далейшую падрыхтоўку беларускага ўдзельніка да міжнароднага конкурсу песні "Еўрабачанне-2017" ажыццяўляе Белтэлерадыёкампанія як адзіны ў Беларусі член Еўрапейскага вяшчальнага саюза.
версія для друку
зрабіць стартавай
дабавіць у выбранае