У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

24 Ліп 2019

Шэньянскі фінансавы музей прадставіць у Мінску калекцыю грашовых знакаў Кітая

Шэньянскі фінансавы музей прадставіць у Мінску калекцыю грашовых знакаў Кітая

24 ліпеня, Мінск /Кар. БЕЛТА/. Выстаўка "Старажытныя грошы Усходу - серабро і папера", арганізаваная сумесна з Шэньянскім фінансавым музеем Кітая, адкрыецца 2 жніўня ў Нацыянальным гістарычным музеі Беларусі, паведамілі БЕЛТА ва ўстанове.

У экспазіцыі будуць паказаны дакладныя копіі грашовых адзінак Кітая, сярэбраных зліткаў і банкнотаў ад эпохі дынастыі Тан (VII-X стагоддзі) да канца праўлення дынастыі Цын, пачатку ХХ стагоддзя. Будуць прадстаўлены арыгіналы сучасных калекцыйных манет і банкнотаў КНР, якія дэманструюць захаванне традыцый старажытных майстроў.

"Выстаўка пазнаёміць з асаблівасцямі традыцыйнай фінансавай сістэмы Кітая, - расказалі ў музеі. - Яна пакажа, якую ролю ў эканоміцы кітайскай цывілізацыі адыгрывалі сярэбраныя зліткі, як узніклі і развіваліся папяровыя грошы, якія здзівілі і захапілі ў свой час Марка Пола. Наведвальнікі адкрыюць для сябе малавядомыя старонкі гісторыі старажытнай цывілізацыі, убачаць сучасныя грашовыя сродкі Кітайскай Народнай Рэспублікі".

Экспазіцыя будзе працаваць па 18 жніўня.

Шэньянскі фінансавы музей знаходзіцца ў сталіцы правінцыі Ляанін горадзе Шэньян. Гэта адзін з самых вялікіх і папулярных у Кітаі музеяў фінансавага профілю. Ён мае ўнікальную калекцыю з больш як 6 тыс. манет, банкнотаў, зліткаў каштоўных металаў і іншых грашовых сродкаў, якія выкарыстоўваліся ў Кітаі са старажытнейшых часоў і да нашых дзён. У 2018 годзе Шэньянскі фінансавы музей падпісаў дагавор аб супрацоўніцтве з Нацыянальным гістарычным музеем Беларусі.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс